老蘭上的嫩牛

此店一睇店名的英文名就知是走搞鬼路線，再加上特色的裝修，真係十分match，完全無違和感😂😂

雖然店係走搞鬼路線，但食物質素一點也不馬虎。湯底我地今次選了椰子竹絲雞湯，清甜滋潤，打邊爐前先喝一碗，十分美味；店主打牛，我們今次就選咗較少有既騸牯牛，即已閹割既牛，即日新鮮屠宰，每日限量供應，需要預訂，確實係牛味濃郁；另外再後加了封門柳，又稔又重牛味，好吃！其實仲想試多幾款牛，但食力有限，所以有心無力，因為我地除咗牛，仲預訂了精選海鮮😂😂，每set 138/人，按當日街市海鮮而略有不同，今次有蟶子、鮑魚、沙白同象拔蚌仔，每樣都新鮮好味。

以為就咁完？我地點會咁簡單，其實仲叫咗門鱔魚蛋、蝦醬豬肉滑，同即炸魚皮，每樣都好有驚喜，魚蛋彈牙有魚味，滑都真係有蝦醬味，但又唔會好搶，魚皮即炸脆卜卜。
由老闆至老闆娘至伙記都好風趣，老闆會點菜前拎埋不同牛去介紹比你聽，等你可以選擇，呢個真係貼心服務，然後老闆又會拎埋酒過黎同你吹水，好有舊香港果種人情味，至尾仲有甜品送，桂花菊花蒟蒻，好fresh 又唔太甜，好味。

P.s.店舖沒有酒牌，喜歡飲幾杯既朋友可以自備酒水

味道 (愈多星表示味道好):

環境 (愈多星表示環境好):

服務 (愈多星表示服務好):

價錢 (愈多星表示抵食):

上載照片(電腦可以按住CTRL選取多張圖):

上載照片2:

上載照片3:

上載照片4:

上載照片5:

附件遺失