2020/9/16雪明日記

蘋果9月發佈會終於結束,仲諗住使唔使捱眼訓睇晒,點知TIM COOK都幾佛心,開片已經話只會聚焦兩樣產品,Apple Watch & Ipad,然後即時望一望個股價沒有大幅回調,證明巿場已經預先消化左無Iphone呢個預期,咁就可以安睡。

Ipad講少少,值得留意係採用5nm先進製程的A14芯片,咁即係Iphone都肯定係同等製程(除非唔係),反而一直想買Watch既我口水流(由Series 2講到而家希望成事),Series 6除左心電功能外,還加入血氧工能,即係話蘋果慢慢向醫療穿載呢個領域又邁進一大步。

還有值得留意Apple One,加多少少錢就可以全包宴買晒D重要服務,當中還有Fitness+,係呢個世代健康真係無價,蘋果已經徹底咁由硬件去硬件自研,軟件到健康的方向深度延伸,似乎天花板還是很高,看不到盡頭,當然Elon Musk話手機及手錶係舊時代產物,植入晶片先係未來科技,話雖如此,但應該仲有幾年玩吧,就姑且玩多幾年先。

搞搞下成篇日記變左蘋果發佈精華咁,作為股東今朝都力Sell同事買新錶及Apple one,我記得股神講過,作為好投資者就知點做管理層,同時作為好既管理者知道要點樣既股東支持,咁我無理由唔推銷埋一份,雖然我無佣金收,不過生態強大咁蘋果長升長有。

返返下工突然收到台灣小鬼英年早逝呢個消息,好多同事都感到嘩然,但其實人係唔知幾時會死,所以我成日講,活在當下及時行樂,諗到乜就做乜,唔好比自己思想束縛,唔到突然到終點想悔棋都無機會。

昨天手多多又見NVDA回落於是短炒一轉,所幸順利今天就不用捱二手薯條,正正經經咁叫返個餐食,感動到喊出來。

訂閱
通知
guest
0 Comments
Inline Feedbacks
View all comments