追求真價值投資之道

2020/9/17雪明日記

巿場升了一段似乎又要修正,執筆時納指回調約1.6%,但其實油、金及BTC比前次修正時穩定了,只是昨天零售數據未如理想,甚至有點悲觀,加上聯儲局議息聲明已離開加息區間,起碼要到2023年後才有機會加息,巿場解讀當然悲觀,視經濟復甦存在隱憂。

然而我同樣認為巿場過份擔憂,對於某些傳統企業一如以往並不寄望,但對新經濟公司是絕佳機會,所以如無意外我會按注碼繼續逢低買進,過高就平衡,無痛發展,另一件事值得留意,息口由高向低走,令資產價格膨脹,然後大家都擔心有一天會息口走高,但現在聯儲已背書,可以玩到2023年,倍感安慰。

跟住要講係傳說對決,無錯又係打機,搞搞下你可能以為自己睇緊個GAME BLOG多於投資BLOG,其實同投資好相似,千祈唔好祈望自己一個可以CARRY全隊,當全隊得你一個勁個陣,四個隊友係傻仔,咁要睇對家五隻係咪都比你地更傻,羸左唔好以為自己勁,只是運氣好而已。點解話同投資相似呢,你諗下個投資組合,一隻絕佳股票孖住幾隻垃圾,到最終你既積效必定比平庸差,可以既話唔好對垃圾有寄望,如果你有期望咁證明你都一樣咁垃圾,如果瀨過野既朋友都應該清楚我講緊乜,這個世界只係正常和精兵,垃圾始終係垃圾,呢一點要記住。

另一件事係心態,打機個時輸少少就好似輸左場仗咁,或者未對線已經頭痛對面用乜角色,盡往壞處想,咁既話你武功再高都一定輸,打仗講士氣氣勢,你自己都怯就肯定輸一世。投資也是,升升跌跌永恆不變,但往往波動之中心態係怕輸又怕蝕底,搞到自己高追低沽,日復如是,最終都係一個輸家,其實講既都係自己心態唔夠正念。

咁要點改善呀,我唔係乜成功大師,對於第一點而言,認清好同壞並極速同垃圾說不,唔好浪費時間係垃圾身上;而第二點,基本上我採用正面說法和鼓舞的態度,穩定自己軍心,咁長遠一定有卑益。

關於此作者

雪明

由2005年開始投資港股,到2012年轉戰美股,2013年轉戰實金,然後到目前為止根據局勢發展四處流浪的投資者。2006年開始從Yahoo Blog、Sina Blog、Blogger、雪球及Facebook斷斷續續分享投資心得。

加入留言

作者 雪明
追求真價值投資之道