2020年第15週結

美股組合: MSFT – 39%,現金 – 61%。港股組合:1883 – 43%,8 – 57%,現金 – 0%。組合總回報5.18%。

反彈浪幾本上係食唔到,一來覺得好似比人焗賭咁,二來本身諗住趁香港電訊股低位入貨誰知美國調資金回來好多阻滯,所以完全係被延誤戰機,俱往矣,都有正回報算係咁,睇下接下來發展。

我認為除非疫情繼續失控,否則幾乎可以肯定見底,見底原因並唔係經濟面反轉,完全係因為央行放水扭曲巿場價值,無限錢進而推高資產價格,謂之焗賭,要賭就要賭得聰明一點,選股上唔好諗住有乜熱門就買乜,今時唔同往日,疫情始終困擾住,比我選擇都係虛擬化既公司有著數。

另外有些國際關係上要注意,歐美聯合反制中資,尤其最近ZOOM和中電信事件,小心自己持股既是國際營收比例大或依賴國際技術者,分分鐘整隻黑天鵝比自己食正,所以1883我是會持保留態度的,但國際舞台此消彼長,明白呢種關係,唔用ZOOM你可能會用SLACK、G SUITE或者TEAMS,即係話原本好多國際公司用既野轉而去用其他,咁其他公司就會得益,依此想法去選股會更加有保障。

另一件重大事件是瑞德西韋有點眉目,雖然未被FDA認可但至少在危重病患使用上令重症徵狀減輕,算是近期隨了放水外的一大利好,或許可以間接地推升巿場,總之選股還是要有防守意識,先想唔輸,才想怎樣去羸。

昨天舉行之第一場LIVE你問我答,歷時兩小時,大約有三四十人參與,有觀眾要求投資組合由每週變成每天,其實我地有提供實時的組合服務,不過現階段只開放給本年度唯一一次慈善飯局的參與者,除了實時組合,還提供WHATSAPP GROUP,幾本上有重大消息或者想法會即時在GROUP中分享,也許兩項核心服務將來會推出,拭目以待。

另外感謝部份讀者贊助本站,重申我們會將所收到的贊助款項除了支持一般營運和發展外,更希望完善和推出更多貼心的服務予大家,另外,一如既往,餘款將會撥捐予慈善或直接支持有需要的人,我們並不需要靠這個網站獲取營利,但透過這個平台,利用本身的知識向各位讀者分享投資的同時,我們亦希望大家能在獲利的情況下去幫助別人,這是我們分享的初心,再次衷心感謝各位的支持。

訂閱
通知
guest
0 Comments
Inline Feedbacks
View all comments
0
請按此發表留言x
()
x