一切只為慈善
組合回報上升至73.81%，單吊TSLA，現佔63%，新增一家空頭支票公司PSTH，其餘現金。
群友一齊買TSLA賺到唔清唔楚，但其實最開心係大家完完全全地從過去分散變到極度集中於自己明白的公司，睇住呢種轉變比起賺錢其實更有成功感。
PSTH其實目前來講乜都無，筆者用25元既價錢去買20元淨現金，用價值投資角度來講其實係超級ON膠膠，究竟識唔識投資，但其實要研究呢家公司都係建基於投機將來會MERGER既公司，但目前為止乜都唔知，真係純買希望，明顯地已經痴左線，但我認為值得的。
淨下一個月時間我相信回報率都係咁上下，等待一個上佳投資機會就ALL IN，餘下時間調整網站的經營去向，2021年的善慈贊助計劃將於12月中開放，會有乜呢，我地兩個人既實時組合必不可少，直播變成會員限定(差唔多開放左一年時間有睇過都知好定唔好)，仲有我地既吹水谷，而重點係你捐既錢除左好少好少既一部份支應租SERVER和插件費用外，其餘全數捐出予有需要人士，簡單講就係善有善報。
本週末直播想重溫，不好意思你係Youtube搵我地唔到的，只限7天透過PODCAST形式收聽，去我地MENU到搵下點去重溫返吧。
