十倍雪道

2020/10/30雪明日記:放大假

2

十月最後一個交易日,亦是工作上大假期的開端,迎接而來既係生左粒痱滋同埋牙肉損左,你話攞唔攞命,工作壓力大,夜訓加上飲食不節會招來殺生之禍,所以唔好認為後生就可以亂來,好似MICHEAL兄話要趁早養生,加上最後個天氣乍暖還寒,都係著意保重好。

業績鹿鹿逐逐咁出,其中MEGA PLAYER我認為AMZN靚仔到暈,AAPL就有點冤了,事關Q3都未出新IPHONE而巿場就話佢因為IPHONE倒退,就咁就殺低左,但其實你睇返咁多間公司,業績好都無乜用,大家對Q4預期還是比較高,所以整個大巿都唔會好得去邊,而且疫情又再度重臨,所以大家就好自為之。

時間轉眼間自疫情開始至今又十個月了,好似過左好耐時間咁,望返FB既TRAVEL RECORD百感交集,素知我深秋時份特別鐘意去日本散心,然而現在最多只能去日本城購買,仲要無野好買,吹漲。究竟仲要幾耐先可以回復以前咁呢,我自己預計都起碼下年的下半年才有眉目吧。

人就係好奇怪,大敵當前會最好戒備,但同敵軍對峙時長一久就會鬆檞,大多數輸既都係自己把持不住,而非敵人太強大,所以係呢到都係同大家講多聲,記得記得要小心,無論投資和健康都係。

關於此作者

雪明
雪明

由2005年開始投資港股,到2012年轉戰美股,2013年轉戰實金,然後到目前為止根據局勢發展四處流浪的投資者。2006年開始從Yahoo Blog、Sina Blog、Blogger、雪球及Facebook斷斷續續分享投資心得。

加入留言

雪明 作者 雪明
十倍雪道