十倍雪道

2020/10/28雪明日記:別為小事驚動

2

有冇試過一種情況,例如同一篇文章比唔同人去睇會有唔同既反饋,譬如比中文老師睇可能會說你句子不順,標點用錯或有錯別字,又或者咁講,人總會習慣地向自己專業方向去睇一篇文章,以至該觀的大略被忽略,該忽略的細節就變成佢自己既重點,往往咁樣自己就諗起諗偏頗。

其實工作上遇唔少呢種情況,譬如說一份計劃書說明如何用錢,效果及執行方法,結果審批者會嫌你其中一些無關痛癢的錯字,又或者排版不夠精美,要你一而再地重造直至達到佢所謂的完美之境,但其實重點真係要用對字眼或者要美觀嗎,顯然不是,但正正就係有呢種人存在搞到該做的事情做不出來,反而被煩瑣的事搞到一頭煙。

其實投資一樣,之前兩篇講趨勢投資法,但總會有許多人將該忽略的消息就變成重大事件,而應該重視的事情就忽略掉,你話幾咁好笑,結局就係唔去改正呢種錯誤偏見正其觀念,輸錢係遲早既事。

關於此作者

雪明
雪明

由2005年開始投資港股,到2012年轉戰美股,2013年轉戰實金,然後到目前為止根據局勢發展四處流浪的投資者。2006年開始從Yahoo Blog、Sina Blog、Blogger、雪球及Facebook斷斷續續分享投資心得。

10 留言

  • 謝謝兩位, 今年過得不易, 組合過山車, 好難得先重回正數, 有感花的心力同成績真不成正比, 才發下勞蘇, 失禮了
    如雪明兄言. 或者真的找不到個好的方法, 曾經想過在呢個時候長買REITS 當收租佬, 忍受2-3 年疫情低谷, 只求每年的股息及留比小朋友, 不知可行不?

    • 呢個世界並沒有一套永恆的策略,又或者策略係可以但目標會隨時代轉變,投資如人生懶不得,譬如以前可以月供盈富,但其實近十年你供盈富可能回報好差,又或者SPY到目前QQQ,股王如匯豐之流都變得衰落,投資懶不得的。
      不過,也許你只是沒有好的方法去了解和太過專心於此,其實好似我自己咁每日都係花好少時間在投資少,懂得捕捉好重要的消息轉變即可,不要因為投資而廢了人生。
      題外話,如果投資資金佔自己的收入比重好大,其實應該輕工作而重投資較為可取,時間寶貴,人應該專注於自己最重要的事情上。

雪明 作者 雪明
十倍雪道