十倍雪道

大朋友齊學行路(二)

今日再講吓行路。今次做番D 補充再講吓常見的異常步姿,記著對一般人的異常其實可以係別人的正常未必一定要改。

上一篇文章主要介紹咗行路時下肢究竟點樣工作,其實身幹重心及如何維持中線、手的擺動…etc。

以我自己為例,左右兩邊步距差20% (左 > 右),右手走動時擺動明顯少過左邊,右邊stand phrase 多過左邊,以我的問題係我左邊有snapping hip (彈響髖症候群),左邊hip超緊,尤其是hip flexor 所以做成左邊踏出得比右邊多好多。右邊手擺動減少應該同好細個時右邊手癱過(monoplegia) — 原因不明。處理方法基本上都係練pat pat,鬆hip flexor。但係我唔痛無任何野想做做唔到,所以無乜話點處理佢 — 已經 live with it。

不過常見的走路障礙其實有好多原因:
1.神經疾病︰中風、帕金森氏症、小腦病變、脊髓及周邊神經疾病
2.肌肉骨骼疾病︰肌少症、關節炎、脊椎病變、足部外傷
3.心理因素︰沮喪、焦慮、睡眠障礙、害怕跌倒
4.其他身體機能因素︰如視力、聽力、感覺系統的退化
5.外在因素:酒精或藥物(最常見 XD )

小碎步 (Shuffling gait)
帕金森氏病中常見的:步伐細小,身體輕輕前傾,起步緩慢,甚至起步不能好似被冰住咗 (freezing),有時越走越快,如有以上情況,就要去調查有無帕金森氏症候群的病。

畫圈步 (Circumdution gait)
患者走路一腿看上去正常無礙,而另一腿則僵硬用力,且起步後骨盆抬高(hip hidge),向外側畫半圓形後回到原位。中風常見,如果hip flexion / knee flexion / ankle dorsiflexion 有問題都可以搞到要compensate 住來行。

跛腳 (Limping gait/ antalgic gait)
常見於下肢受傷的人中,壞腳stance phrase 短,swing phrase 長, 反之亦然。我clinic 中見到最多就依D。

有這個機會講一講害怕痛及害怕跌倒的問題。有好多扭親及跌倒的病人,中過招就驚,驚到做咗一D行為實際上對佢更有風險,甚至情況惡化。

例子一:扭親腰,痛到頭一兩日要訓床,之後好多時D病人由坐到企會lock住條腰、用手按住條腰慢慢上。往往忘記咗起身e 下係腰腳合一,腳跟受了力後又腳到腰發力,你慢慢起只會要條腰比正常做更多野,可以更痛,所以腰痛我分分鐘教人企起身。

例子二:做完全人工膝關節置換手術(Total knee replacement),往往病人會怕痛或者信唔過自己個新關節。其實好多時做完e 個手術病人可以受全力 (full weight bearing / FWB),醫生叫得其實都好安全,風險極細,甚至唔FWB風險更大。Antalgic gait 會十分常見,但係大部份都correctable。

亞洲人真係好被動,做完手術就話要休息,係英國好多醫院其實post-operative 8 hrs 可以的話就已經想patients 行少少,一步就一步,無一步都想佢企吓。再講香港pre-hab做得麻麻,D elective surgery 病人之前無乜準備過,做完手術又未知自己rehab要做乜,往往得個rehab 時間就算。

再誇張D (離題講early mobilisation),ICU 插晒喉,如果情況合適,行啦!

(香港唔知幾時先有得咁做…sigh..)

今次只係抽部份野講吓,有問題隨時問吧。再會。

關於此作者

Avatar
Michael Poon

2015年英國畢業後回流返港工作,曾於公私營機構做物理治療。現職香港某處私人診所。在此頻道同大家分享健康資訊,大家多多指教。

加入留言

十倍雪道