十倍雪道

類別投資理財

十倍基金2020最後一個週結

今年回報暫127.93%,只要環境唔突變,會創投資以來單年最好成績,下星期年結/展望文會有詳細組合內容,這兩天還是思索比重/公司。同樣地下星期回報又由0再出發,所以今年表現不好不用怕,好快又重生,哈哈。明年大部分資訊只留給會員,所以…

ARK的致命傷?

A

記得年初的時候有人說ETF將會是下一次股災的兆端,然而事隔至今一年經歷了COVID-19的洗禮,依然完好,ETF沒有爆掉而且股巿還是高歌猛進,目前再次吹起ETF致命的號角,今次主角是人稱契媽女股神,CATHIE WOOD的ARK ETF,究竟係如何說法,我可以雞精咁講比大家知。

雪明日記:知不足而後進

寫左成年文章,由最初好多得意事和心得,寫晒出來到而家幾乎都斷斷續續,有時要寫野其實都幾心累,好在大家唔嫌棄就好。

先講下今年講最重要的是判斷趨勢,你睇最近QS呢隻股就知,因為吹風蘋果造車就創出新高,呢個就係趨勢既威力,當然前提係公司本身夠堅,不過希望大家唔好誤會因為公司勁所以爆升,99%上升是因為趨勢,無勢你勁到亞馬遜咁都會變軟皮蛇。

十倍雪道2020年捐款

多謝今年大家贊助,所以將你們這筆捐出去之時我亦加一筆湊成18888,願大家投資發發發發之餘,最重要希望大家賺到時不忘幫助人,人力量有限但盡一點綿力,有些人真的連3餐溫飽都成問題

我手字差勿見怪

雪明組合:2020年第51週結

組合回報89.36%,全丈半倉TESLA帶組合不斷創新高,所以貴精不貴多,集中投資威力在於此,沽清QS同時加倉GBTC,我認為下一個浪潮同Crypto有關係。 TESLA的攻擊我想已經告一段落,靜待下一個風起再同大家FOCUS,而家講一講加密貨幣或者區塊鏈,點解突然會又關注,我想大家有睇直播會記得我地講過未來財長耶倫唔會喜歡加密貨幣,但有時候如果民間大力推動,加上本身物質係去中心化,即使點監管都好有時都好難去管,目前正正是如此的一個潮流,隨著有公司將加密貨幣列帳為除現金外的儲備資產,更重要是保險公司都將其納入其中,這是一個非常重要的里程碑,另外FINTECH如PAYPAL等除了方便用戶買賣投資外,來年將會推動加密貨幣向線下支付等虛擬與實體經濟結合的過程,所以絕對有理由相信2021年其中一個大趨勢會在加密貨幣。...

雪明組合:2020年第50週結

組合回報78.25%,減持TSLA至50%,新增QS 4%,居然走去投資概念股,應該痴左線。

重申一次QS真係概念ONLY,乜都無,係乜叉都無,預計都要到2024年先有營收,佢係做固態電池,不過電池效能似乎幾勁,我姑且趁住今年盈利係到就放肆一下,來緊可能仲會投多一隻類似既概念股,投左就講你知。

仲有唔夠週時間,之後月結和直播都會轉做會員限定,有興趣做善事又支持既讀者留意本網,已經申請將網址轉向新既網站,或者有一日你入到來改頭換面,到時就知點去訂閱。

昨天都有直播,有興趣就去MENU到睇返Yoututbe Channel吧,多謝!

十倍雪道