組合回報19.01%，持有10% TSLA及45%ARKW，其餘現金。
話說星期五晚直播美股交易現場，作為新嚐試，想不到都幾多朋友支持，多謝各位，然而一邊要做交易一邊要做直播都幾難度高，有朋友話終於明白我即巿判斷既指標係乜野，就咁睇都比你地睇得出真係夠晒勁秋。
因為歐盟取態，突然修正下週巿場展望，由原本均衡發展變到各自拉高，可能港股會看高一線，尤其新經濟類別股票，美股方面納指已創出新高，相信如果下週兩國無就貿戰或制栽方面有任何動靜的話，繼續持有即可了。
疫情去到現在好似時有時無，再樂觀的人情緒都出現問題了，開始會問自己其實而家搵咁多錢都無用，環境和疫症都令人打不起精神，倒好趁現在擬定自己的方向，勇往直前，錢本身如果無用處，就只是一堆數字而已，思考一下如何發揮自己的價值，包括如何用錢，可能會想出一條新道路。
如無意外，除非找到比較好的破壞性創新公司，否則持倉都應該維持現狀，又或如果宏觀有重大變動，減持也不為過。
