組合總回報：16.36%，美股及港股組合空倉。對比上週全組合上升0.6%，更進一步，算是不錯。
有讀者問而家空倉可以買乜，感覺好似好徬徨，其實空倉又有乜好怕喎，今年美伊戰雲，疫情，到而家有可能第二波及中美鬧翻，我都不知空倉了多少次，組合回報來來回回幾翻結果還是可以上到這個位置，一年之中些許交易日空倉其實沒什麼可怕，況且現在大環境不是大利好，我認為空倉觀察是可取的。
承上週我持蘋果還向上加碼，結果最後一注高追就向下跌，於是二話不說止賺，後手週四及五都短線交易左幾轉，都係之前提及過的股票，有趣興知道就爬下文章和我地既Youtube Channel。
下週留意住中美關係、疫情第二波及半導體板塊，尤其半導體板塊如果呈現大升格局，我想中美關係應該放鬆，反之則代表緊張，有時候唔一定等到新聞反映出來才知道結果，春江水暖鴨先知，數字有時比新聞來得更快更準更可靠，當然這要結合實戰經驗，否則一個數字上下擺佈都足夠比人呃到喊。
截止寫文呢一下，我看法仍然偏淡，分分鐘又入返債券都唔出奇，雖然債息已經低到無朋友，不過正如油價都可以負數，咁利率再咁搞落去負埋都唔出奇，要是這樣其實現價買債水位就會好高，當然，只係突然一時的想法而已，未知最後定論如何。
除了股巿，疫情環曉之下，賺多賺少已經好似唔多重要，健康及快樂才是無價的，所以唔好浪費咁多時間係股票巿場，夠籌就見好就收，好似今日咁能夠睡個午覺，多麼奢奓及開心。
