追求真價值投資之道

觀其行知其人

想知間公司係好定壞,唔好睇佢吹到天花龍鳳,吹牛係人都曉,做得出就叫願景,做唔出就係吹水,一樣都係吹,所以唔好聽佢吹兩咀就以為好公司,睇佢做唔做得出先好再講。

一間公司如果長期吹大風,唔好睇一兩次因為吹水股價上升就以為係強勢股,咁樣好大機率會中伏,壞公司特徵通常係吹風,執行唔到,股價短期炒上然後大幅回殺,最後持平N年後,管理層又找一個時機重覆以上動作,買呢類股你以為係強勢股的話,除非你本身知道佢夠妖艷見好就收,否則長期績效來講你只係想尋找激情而唔係賺錢。好公司通常係吹水加執行達標,長期來講股價就會呈現上升格局,這才是強勢股,TESLA及AMAZON就是當中佼佼者,或者如果SPACE X上巿,都會係好公司。

同樣地此一道理適用於人,財演或專家比比皆是,可是你要知道有冇真材實學,第一眼就要睇佢個組合,然後睇佢平常講既說法和做法是否相對應,要說講完一大輪廢話後同你講無持有以上股份,又或者係講好多理論但又唔披露真實持倉,當然最好你能夠望住佢真實而又實時的持倉,咁呢個人堅唔堅就一目了然。

大千世界,奇幻妙法,任你吹再大,一睇你做緊乜,就知你係乜野人,相人相公司同一道理。

關於此作者

雪明

由2005年開始投資港股,到2012年轉戰美股,2013年轉戰實金,然後到目前為止根據局勢發展四處流浪的投資者。2006年開始從Yahoo Blog、Sina Blog、Blogger、雪球及Facebook斷斷續續分享投資心得。

加入留言

作者 雪明
追求真價值投資之道