幾種常見謬誤

投資就好似拳擊咁,你可能打左人廿拳,得到廿幾三十點,差唔多完場點知比對手一野KO左,咁你係羸定輸呢,同樣道理,係投資巿場順風順水你可以一直羸,但遇上逆風可以一野無左一半或以上,咁究竟你自己係羸左定輸左?

所以任你英明一世都無用,一個唔小心就千年道行一朝喪,投資最忌貪得無厭,經常以為一定要持貨才是投資,而坊間有一句說法我認為係好大問題:現金會被通脹蠶食。係普遍情況下應該係,但波動異常巿場和趨勢向下既巿場,現金為王。

如果盲目持貨就算係價值投資,咁點解巴菲特最近高買低賣航空股,即便係帳面所謂價值已經係好便宜,他仍然要作出如此安排,可見BUY AND HOLD並不等於價值投資,而且價值投資呢個詞語本身就有問題,投資就係投資,唔好刻意安插價值二字企圖掩飾自己的不良投資,尤其一些看似便宜但經年累月都唔升唔派息既股票,更應反思。

投資更不應該有期限,可以長至幾代,快至毫秒之間,只要立心正確,進退有據而又能獲得利潤都係好既投資,反之看似幾好既安全邊際和帳目數字,但長期來說並不如理想中出現應有的利潤,那便不是好的投資,這點也應該多加考量。

訂閱
通知
guest
0 Comments
Inline Feedbacks
View all comments

Youtube 直播現正進行中,有興趣讀者可以去以下連結收看

歡迎使用Skype Phone In 直接同兩位主持人對話

Skype ID: Tenbaggersnow

https://youtu.be/at6t1bXlF1k