追求真價值投資之道

2020年第18週結

組合總回報:12.04%,美股組合暫時空倉,港股組合100%-0008。

本星期都係繼續走短線美股,原本打算做倉長渣,點知個巿都係有點怪氣,尤其係昨晚盤中下跌,想搏一搏蘋果業績最後都縮手不賭,現在盤前當然股價唔精神,算是非常好運。本週交易以微軟、蘋果及TESLA為主,承住瑞德西韋正面報告及業績期高追買進,風險極低的情況下快速獲利,理論上藥效好應該個巿會繼續升,但同時間巿場又擔心通縮及貿易戰重臨,巿場最終偏軟,下週策略未定,因應巿況再調節吧。

至於港股,本身諗住偏去買1883點知傳出比美國調查,再加上國際社會開始對中國就隱瞞疫情一事上向中國索賠,另外一帶一路又傳出賴債和國有化資產,同時侵侵亦提出關於退休基金不應投資於中資股份一事,應該會對中資股構成影響,所以最終都撥返去PCCW算數,無謂冒呢種可見的風險,情願賺少點。

從國際局勢而言之,我偏向港股淨賣出及美股淨買進,意思即是說重心會由港股轉向美股,一直以來買賣並不強調長渣或者某個巿場,見風使舵而已,尤其宏觀局勢變化萬千,所以我的倉位變動其實非常頻繁。

講下蘋果同亞馬遜,亞馬遜AWS終於過左一百億營收,營運現金流都非常標青,資本開支大增令自由現金流微增,此股係疫症期和後疫症期的受惠股之一,不過我選擇唔賭佢業績係因為巿場已經極度睇好,非常容易中伏,像我的朋友打算買入我都提醒佢可能已經PRICE IN,要非常小心,況且巿場走趨似乎負面味濃。蘋果其實本期業績算是中規中舉,尤其服務收入去到百三億,毛利亦上升,唯巿場期望的千億回購和二季度展望都落空,所以股價一樣下跌,其實我反而睇好,本身佢季季都係會回購,回購計劃對我而言不是重點,反觀我關心的服務收入上升才是重點,可見的是將會成為服務收入達六百億美元級別的巨獸,二季度我估計硬件銷售非常差,但是隨著SE出貨攻佔中低端巿場,服務收入上升才是重中之重,如果下跌得多,越跌越買。

疫症應該都暫時告一段落,隨著瑞德西韋一步步走向成功,睇唔到個巿價再受其影響,反而焦點會集中在油價和中美貿戰上,我認為如此基礎上思考,避開相關類別股份將會受益,留有一定現金向下買進,必須有呢個心理準備,我還是看好AAPL、MSFT及TSLA,至於幾錢幾時及買幾多,就不在此述,有贊助的朋友可以入我組合睇。

關於此作者

雪明

由2005年開始投資港股,到2012年轉戰美股,2013年轉戰實金,然後到目前為止根據局勢發展四處流浪的投資者。2006年開始從Yahoo Blog、Sina Blog、Blogger、雪球及Facebook斷斷續續分享投資心得。

加入留言

作者 雪明
追求真價值投資之道