追求真價值投資之道

趨勢永遠第一

係投資世界無野係升到買唔到,或者跌到沽都無意思,一個好升勢其實你買對版塊龍頭想輸錢都難,相反係跌巿之中就算你幾低估幾優勢一樣受累,所以永遠趨勢為先,選股為次,是以無野唔可以追無野唔可以沽,唔好比價格去牽制自己的投資決策,應該判別趨勢,按勢執行買賣單,長期來說風險會比單獨LONG HOLD好股更低。

當然唔係人人都可以好好咁判斷巿場處於什麼位置,或者將會出現什麼走勢,是以多數人喜歡聽價值投資或者乾脆說Buy and hold更貼切,有投資沒有價值的嗎,如果無價值咁應該叫投井而唔係投資,唔好比呢種口號或教條束縛自己,選好股今時今日其實已經唔難,尤其係資訊流通性極佳情況下,來來去去都是幾十家公司,反而投資者應該在判斷趨勢上下功夫,更事半功倍。

也許初初幾次會出現錯判,每一次修正和發現問題,長期來說就會建立自信和系統,趨勢的用處在於減少時間損失,縱使你股有多好,風未起就動不來,持有相對長的時間也是有成本的,如果係趨勢判斷上有更好領會,縮短投資獲利所需時間,回報率和風險將會最佳化。

係趨勢之中,有好多投資者最後會受帳面盈虧限制自己的想法和執行力,其實對於關注利潤,我認為關心自己的行動是否正確更加重要,長期來說只有決策正確,利潤才會來,否則我不見得只關注帳面利潤的人會有好成績。

關於此作者

雪明

由2005年開始投資港股,到2012年轉戰美股,2013年轉戰實金,然後到目前為止根據局勢發展四處流浪的投資者。2006年開始從Yahoo Blog、Sina Blog、Blogger、雪球及Facebook斷斷續續分享投資心得。

加入留言

作者 雪明
追求真價值投資之道