追求真價值投資之道

風起雲湧

一個疫情將國際舞台變到風起雲湧,原本經時已久的貿易戰,國勢偏移美國至上,疫情而至"眼看"最快復甦係中國,歐美深受疫症影響,呢個時候究竟國力分佈上會否變到西方一沉百踩東方興起真係好難講。

之前講過天時地利人和,美國指數得以長達數十年大牛巿原因在於國勢日益增大,影響力無遠弗屆,如果因為疫情致使國勢變得衰弱的話,咁可能最好的投資地方就不會是美國,可能是中國,可能,我並沒有說肯定,呢一點要注意。

你可能會話,中國企業好多做假貨假賬問題,但其實如果地方夠好政策夠好,還是會吸引到人才和企業投資的,君不見ELON都走去上海開廠,GOOGLE和FB都成日想入去開展生意,又或者華爾街的金融大佬都走入去做金融企業的主要持份者,這些事情都日日發生,就算侵侵出聲批評都好,諸如蘋果或者其他半導體生產商都依然如舊,證明唔係中國唔好,係未夠好,可以再好,希望佢可以好,唔好話以上巨企大佬門的思維會比我地差唔識貨,肯定有些事吸引佢地來的。

但現在是時候嗎,我想未能下定論,你看最近世衛的問題,或者白宮記者提問時侵侵都經常問Where’re you from,另外印度及歐美等國都向聯合國提出告訴要求中國就疫情賠償,呢樣野你唔好理係真定假,有道是當十個人話你係真,即使唔係真都變成真,世事就係咁,況且無人知道真想係點,作為投資者在投資分析和決策時,最好唔好有任何政治色彩,否則你既投資可能已經產生問題。

上年年中我將全個投資組合移師美國,現在一半回師香港投資電訊股,思路上就係由於疫情不明及國勢有機會轉移,另外收息上香港始終有其優勢,無股息稅係幾正既。至於企業微觀經營上,我認為疫情當前,根本無乜需要考慮會有多好。

本站踏入第二季加入新元素,開LIVE解答各位的投資疑難,資料如下

十倍雪道第一次LIVE你問我答
準備好自己係投資理財上既心水問題
直播平台係Instagram,所以, 同時記得ADD我地各自既IG啦

@ten_baggerhk
@snowwayinvest

暫時定係4月11日本週六晚上9點試播,敬請留意!

最後,你有冇發現本站MENU BAR多左個贊助項目,如果你想支持本站發展,同時又想幫助其他人,可以到該頁作出捐款,記住捐完唔好走左去,CAP圖傳返比我地,可能有意外驚喜。

關於此作者

雪明

由2005年開始投資港股,到2012年轉戰美股,2013年轉戰實金,然後到目前為止根據局勢發展四處流浪的投資者。2006年開始從Yahoo Blog、Sina Blog、Blogger、雪球及Facebook斷斷續續分享投資心得。

加入留言

作者 雪明
追求真價值投資之道