追求真價值投資之道

負資產

唔講太多持股既好處,咁樣未免太HARD SELL,加上本身收貨已經好難,為左排擠少少買方意慾,寫些少負面因素出來掃一掃興。

中信電訊作為中信集團一員,有可能唔派息都唔出奇,過去不等於未來,要睇下國策上對於上巿公司尤其國資企業的風向會否轉變,好似鐵塔咁,明明現金流好大佢偏偏派息以純利作為厘定基準,要知道呢種公司固定投資好大,折舊攤銷呢類非現金流出的損益數字會扭曲純利結果,自然明明好生意但派息偏偏似拖捨咁,至於中信電訊現金流極好,唔知會唔會有機會以現金流作基準派息,好似PCCW同HKBN就係以現金流作依歸。

PCCW和HKT,很多人都推薦HKT而非PCCW,話PCCW旗下好多燒銀紙項目,例如VIU TV,VIU OTT同盈大地產,其實十倍今日計過淨持HKT以今天巿值計每股PCCW都值6元,咁現價得4.5元即係話以上項目TOTAL NEGATIVE VALUE係1.5元。

對於VIU TV同OTT業務,可以參考下用戶人數的增長,呢種無形資產其實都好厲害,當初NETFLIX有邊個會想象到有今天千六億美金巿值,就一個平台比人訂閱然後間野仲要不斷燒銀紙,IP類別既野唔係咁簡單,都好難一時三刻講得明白。

大致上係咁,而我持有以上兩間公司,而且佔我組合非常重要的地位。

關於此作者

雪明

由2005年開始投資港股,到2012年轉戰美股,2013年轉戰實金,然後到目前為止根據局勢發展四處流浪的投資者。2006年開始從Yahoo Blog、Sina Blog、Blogger、雪球及Facebook斷斷續續分享投資心得。

加入留言

作者 雪明
追求真價值投資之道