巴菲特止蝕

對於美股,好似見底,但好似侵侵吹少句水個巿都腳軟咁,係唔係都得不得而知,我淨係知道每次一旦介入美股都會損手離場,所以我選擇一個我相對有利的巿場,例如港股咁樣較好,美股暫時無FEEL,如果大家想知美股點部署,可以參考十倍的文章,我就暫不置可否了。

巴菲特早前買進達美航空,唔知佢睇中乜或者佢覺得已經好便宜好抵玩,結果都係要減持止蝕,生意做唔到每日燒銀紙既野邊個敢玩,股神身家再多都唔敢咁玩啦,所以佢敢於止蝕真係幾好,坊間成日話佢BUY AND HOLD唔會沽,而佢自己本人都有咁講過話唔會沽航空股,然而巿場每日都變動,人之常情尤其神級投資者,無得賺仲要蝕無止境唔沽就笨實了,所以迷戀佢無限長渣同笑佢短炒既人通通都唔會明白真實既巴神投資係一回乜事。

然後,對於大巿的判斷,或者對於往後經濟的判斷,套用巴神沽貨既舉動,如果真係疫情就快完結或者經濟開始反彈,咁佢本人應該係大手加碼而不是止蝕,難道你認為巴神真係廢老廢投嗎,人家的情報系統和人脈比我們不知道好上百倍千倍,在這時刻選擇離場而非進場,一定有佢所看到的事情。

今天有兩則新聞,一者霍華馬克斯講個巿仲會繼續跌,原因係巿場低估了疫情對經濟的影響,佢亦有比較金融風暴和今次對實體經濟和人們生活的不同,佢對巿場本身好大保留而且看法偏淡。另一件事是Honeywell要求供應商減價兼且數期延長支付,如此龐大的公司尚需如此,上遊產業鏈和下遊產業鏈的連鎖反應將會是劇烈的,對於此等經濟大事,尚需時間去觀察和分析。

因此,美股我尚且不會行動,港股則維持倉位。

訂閱
通知
guest
0 Comments
Inline Feedbacks
View all comments