追求真價值投資之道

2020年第14週結

全個組合計,30%為中信電訊,20%為PCCW,另外五成現金等待下一步行動,因為外國疫情遠超想象,本地和中國都唔太理想,但眼見所及,知道乜野企業仲頂得順有得做,所以調回來較符合投資穩定原則。

本週因為匯控唔派息成為所有息魔的惡夢,如是這各位都會考慮沽出匯豐換馬,有人會話買恆生買中銀香港買國有銀行穩陣,但同是天涯淪落人,大家都係銀行股難免令人生疑,最終都四散出其他行業搜尋更好的目標,電訊股就成為其中一門熱門,昨天都創出近期高位,平均而言都有6至7厘息,而且大疫症當前就算你宅在家中都一定要用到,宅經濟之中既基建股,當然受巿場青睞。

而後各路財演都事後孔明指出匯豐今非昔比建議換馬至HKT或HKBN之類既電訊股作防守和收息之用,其實呢類股晨早都知,但就唔知點解巿場咁鐘意買匯豐,不竟可能是歷史留下來的情意結吧。

來點展望,其實經濟真係越來越差,疫情始終拖延已久,小企業都叫苦連天,何況大企業沒有生意都要栽員,然後栽員會引發通縮和信貸收縮的危機,無論什麼經濟特效藥都難救,唯有對病情的特效藥面世方能止血,再咁解決不了的話,電訊股都未必係天堂,因為有一部份還是依賴於工商業的收入,到底會是如何,現在不是很樂觀。

對於未來如何部署,都係個句,有錢有地方需要用到就快快用左去,錢洗左先係錢,唔洗只係一堆數字和廢紙而已,想一想最惡劣的情況,假設自己失業了,應如何自署,做好一點思想和心理準備,一陣自己掉入風暴之中都能及時反應。

關於此作者

雪明

由2005年開始投資港股,到2012年轉戰美股,2013年轉戰實金,然後到目前為止根據局勢發展四處流浪的投資者。2006年開始從Yahoo Blog、Sina Blog、Blogger、雪球及Facebook斷斷續續分享投資心得。

加入留言

作者 雪明
追求真價值投資之道