追求真價值投資之道

喪門鐘買會瘋

一早既消息隨左確診數字直線飈升之外,就係匯控渣打除淨末期息要取消派發,記得以前08年好多人見六厘息匯豐諗住買來收息無死錯人,誰不知削派息還要在股價上嘔突60%,真係可以話收足咁多年息都補唔返條數,而今次係多數人八厘息,但結果今次連條毛都唔派,結果可想而知係點,插水,賠了夫人又折兵。

在此之前朋友問可唔可以買匯豐收息,我問了幾個問題,經濟逆境生意仲保唔保持到,派息來自什麼,以及將來能否保持派息,當然如果咁好食的話我又點會錯過呢,我又何需要選擇1883而不是匯豐,當然派息來自盈利,盈利是否能在逆境之中保持,將來會不會有機會增加派息,現金流型投資必須有此三問,就如買樓收租咁,我都會問而家租幾多,易唔易租出去,將來會否能加租,任一點不滿足幾乎不用想。

匯豐就此打住,不多說了,原來已經過了第一季度,回報率創新低,但都仍然維持正數,不知道何時何日會變成負,感覺有點似2018年的加強版,不過今年提早撤回一半資金轉投現金流型公司,淨下一半大約三份一買進美股,也不知道之後會否又止蝕。

對於目前而言,感覺是投資生涯和人生中最困難之時刻,但保持身體健康仍是重中之重,以待時變,有幾點要留意,國勢強弱會否逆轉,通貨反噬何時到來等,這些對今後投資布局至關重要。

關於此作者

雪明

由2005年開始投資港股,到2012年轉戰美股,2013年轉戰實金,然後到目前為止根據局勢發展四處流浪的投資者。2006年開始從Yahoo Blog、Sina Blog、Blogger、雪球及Facebook斷斷續續分享投資心得。

加入留言

作者 雪明
追求真價值投資之道