記得以前初初投資股票，完全唔明白點解誠哥要投資完全燒錢既通訊網絡，但時至今日進入收成期，一個疫症見真章，全球各地無一不受牽動，除了防疫物品，唯獨網絡流量不斷創新高，而在來看終於明白點解佢老人家會投資於此，企業家睇野不重一時在於長遠，人家在那些年已窺見十多年後的數據世界，現在幾乎誰得到了數據誰得到了天下，而通訊網絡就係數據界既基建，你諗下無論你用乜雲乜APP都好，首先通過就係4G、5G或者光纖上網。
無論世界再點發達，雲上如何厲害，其實都為了服務實體世界，馬雲以前提出O2O概念，意即叫人唔好忽略實體世界，線上只為加強對線下的服務體驗，人始終係人，需要實在的社交和體驗，這些無論網上世界多麼發達，任你日日煲劇玩電子遊戲，你都要食飯和購物，即使你係外賣或者網購，都要有人生產食品和商品，不然你平台再強大，都變得聲大大無貨賣。
巴菲特自己話自己唔識科網，但係佢不斷投資實業，誠哥的維港投資唔講，長和長實長建等不斷做實業，維基一樣，還有可樂、P&G、3M、KMB和大快活等公司都日日在搞生產活動，大數據和雲計算可以令生產更有效率，但生產就是生產，實業的價值在於此，沒有實業支持虛擬服務都會變到無關痛癢。
目前疫症，有否想過如果因為開工不足令產量大減，又會點，所以實業是有其價值的，當然會加速了機械化生產這一行業發展，但到後來，大家會著重於品牌和品質，生產成本可能因此變得非常低廉。
一個疫情，令世界各國和社會各界反思現況不足之處，包括作為投資者的我們更明白貨幣和投資的真實價值。爾後，將更突顯實體公司的價值，尤其是具有品牌優勢的公司。
