追求真價值投資之道

加速虛擬化

疫情令到好多原本運作既野停止,但同時間令本身處在萌牙階段既業務快速成長,諗一諗係呢段期間之中自己生活和工作有乜轉變,就係網絡化和虛疑化,遠程化和雲端化。

講野越來越官腔真係大獲,乜化乜化,簡而言之即係乜鬼都ONLINE,街都無得出,買野咪AMZN或者HKTVMALL,開會就ZOOM,SLACK或TEAM,雲計算或者雲儲存都係幾個巨頭,而用得最多一定係光纖或者4G,所有野都要經過數據交換。

講左咁多野其實都係想話,呢類型企業都係呢波疫情中受惠,至少從用戶人數而言,加上本身好多食古不化既人被迫要用上,你同我都知道呢味野唔碰得,一試就會上癮,好似網購之於女人,唔知唔識尤自可,一旦試過之後無時無刻都係到買野,你話幾咁受人喜愛。

即使疫情完結,肯定各大企業都會加大在IT上的投資,所以呢類企業會在反彈浪和之後的升浪更加強大。講到咁白其實都唔使再講之後要買乜買乜,就係呢類野,選唔定手就係指數入手,唔想買指數各大雲計算公司都可以考慮,或者再唔識選又唔想咁大波動就買基礎類既鐵塔或者光纖網絡。

題外話,好多人尤其係買港股既一聽到鐵塔自然會以為係中國鐵塔,呢間野我過去同而家都唔會買唔會考慮唔會諗,點解,你買股票,咁股票點去回報你,作為小股東,無好既股息,買來托咩。

關於此作者

雪明

由2005年開始投資港股,到2012年轉戰美股,2013年轉戰實金,然後到目前為止根據局勢發展四處流浪的投資者。2006年開始從Yahoo Blog、Sina Blog、Blogger、雪球及Facebook斷斷續續分享投資心得。

加入留言

作者 雪明
追求真價值投資之道