追求真價值投資之道

無限QE

美聯儲突然向巿場投下重磅炸藥,被稱為無限QE的無限量買債計劃,目的都係向巿場釋出流動性,然而似乎股巿都唔係升得好多,黃金升幅在首位。

黃金的特性,其實在之前多次刺激計劃下理應向上衡高,然而受巿場流動資金缺乏及原價大幅下挫的影響下,巿場認為通縮的風險遠大於滯漲,本週開首以無限QE為先,黃金自當然急速彈升,股巿都回穩偏好,然而事實究竟是怎樣一回事,究竟是否應該買股票建倉還是要等,各有各睇法。

我認為,只是我認為而已,睇下就算唔好認真,我認為還未是建股票倉的時候,除非是高息而防守力極高的公司,否則我不打算建倉,理由是所有事情圍著疫情週轉,美聯儲放水的目的不在於承托股巿,而是為巿場美元荒解困,避免進一步惡化產生金融風暴而已,對於股巿表現美聯儲不會關心,而股巿表現始終建基於巿場信心和經濟面。

經濟面來說,不說遙遠的美加澳意德法,就講港澳,今日都封關閉館,企業生意都難做,咁經濟又點好,你話而家跌得夠多寄望疫情好轉之後現在就相當抵買,嗯,可能是對可能是錯,究竟疫情何時受控何時完結都未有任何眉目,經濟運轉受困但無限放水最終都係惡性通脹,咁做對美聯儲、美國國家利益都完全無好處,我想應該唔會咁癲。

咁幾時買得,而家可以買都係防守高息型,一樣有折讓,一樣有高息收,業務又守得,或者疫苗特效藥量產面世,又或者係巿場跌無可跌,講完咁多阿媽其實係女人。

無可否認,經歷2008年放水一次後,大家只聞QE即使想起無限上升的樓升和股巿,但其實歷史似是相同,當中微妙的變化又有誰能判別。

可能呢篇文出左之後個巿真係見底無限上升都未定,未來係點邊個知,不過現在呢一刻我選擇不動就好。

關於此作者

雪明

由2005年開始投資港股,到2012年轉戰美股,2013年轉戰實金,然後到目前為止根據局勢發展四處流浪的投資者。2006年開始從Yahoo Blog、Sina Blog、Blogger、雪球及Facebook斷斷續續分享投資心得。

加入留言

作者 雪明
追求真價值投資之道