追求真價值投資之道

選股理念

港股進入業績期,長和主席展望到講到除電訊比較好之外,其餘業務都無乜作為,煤氣唔再10送1,改為20送1,但書係如無意外2020年派息相若,呢兩家都比較有代表性。傳統防守資產似乎不適用,例如地產投資、煤氣或者長建等等,都受到唔同程度影響,咁既然長和主席有提示,可以諗一諗電訊範疇既股票。

那邊廂澳洲減息,澳元應聲下跌,其實如果有留意貨幣巿場,美元獨強其餘都普跌,尤以英磅、人民幣及澳元為甚,所以傳統上買高息貨幣都無作用可言,以前講現金為王,通常都會諗到現金其實會眨值,其實有些時候現金真係有佢用處,你諗下現在渣住現金和渣住滿手股票比較,邊個較高選擇權,邊個看事情較能客觀一些。

講返選股,係呢種經濟逆風上,我認為即使現在能有效控制也好,經濟亦受不同的毀滅程度了,就這些而論,我認為宅經濟為首,依附其為次的原則,還有一些基礎消費品生產亦可以考慮。現在滿目恉是便宜的估值,但便值不便值好視乎疫情的持續程度和影響深度,股巿修正譬如30%但營收因而下跌30%,其實估值都沒有便宜過,係呢個基礎上,買股就要相當小心,最好唔受疫情影響,咁先會佔到便宜,否則其實價錢便宜了,價值亦相對不使宜,一正一負抵消了優勢。

講左咁耐買乜好,其實我而家乜都無買,如果有都會係周末的投資組合反映,現在水平我並不心急。

關於此作者

雪明

由2005年開始投資港股,到2012年轉戰美股,2013年轉戰實金,然後到目前為止根據局勢發展四處流浪的投資者。2006年開始從Yahoo Blog、Sina Blog、Blogger、雪球及Facebook斷斷續續分享投資心得。

加入留言

作者 雪明
追求真價值投資之道