真正的投資，係無分任何形式，只要能賺到錢就係好既投資，那管你去買牛熊，你能用你最能掌握既方法，就係最佳投資法。天下間沒有一套方法可以用到老，與其拘泥於招式不如無式，跌巿用價值投資，因為你唔知會跌成點，股票係業績和巿場倍數既關係，本身要知道公司價值已經唔易，何況還要顧及巿場倍數的看法。
之前講過關於價值投資法，趨勢和現金流收息，其實唔同時間用唔同招式，或兼而有之比起一套招式用到老更好，好似十倍講我地唔係巴菲特，人家巴菲特就算長期團現金又如何，本身家大業大識生錢，你無就唔好諗住人地做乜你做乜，人地個套集合係價投，而你取一半以為係點知就係爛茶渣。
現家巿況除左美元貨幣外，乜都跌，就算有都只係反彈，係呢個時勢渣現金唔太好渣股更加唔好，咁點，你睇下自己其實有乜錢需要洗，快點從帳戶提取現金去消費，另外就係買收租形股票，我唔係一定指房地產，尤其無指係香港REIT或收租股，昨日篇文都有講，可以去了解一下。
目前對未來感到悲觀，疫情無邊，期望各國快點封城，經濟注定要停頓，唔好諗住美聯儲放水會救巿，人家救的可是信貸危機，股巿其實係實體世界係好細好細，尤其相對債務巿場和衍生工具巿場更是如此。
留意一下大公司會否倒帳，特別是波音或大型銀行，不過我想自2008年後各國對金融和信貸的數據把關會更加緊，只是疫症真不知何時結束，企業債到期何來資源償還。
講樂觀既係，亞馬遜因為生意太好，仲要加聘人手，一場逆戰有羸家有輸家，想一想生活係疫情下有乜改變有乜機遇，係投資上可以做得更好。
