昨日先話可能有轉勢苗頭，誰知今朝未訓醒突然緊急減息至零，外加放大水及多國美元掉期，美期即時跌到熔斷，其實上星期正視疫症呢下真係充滿期望，覺得政府終於做點實事了，可是今日突然其來看似利好的零息和放水，變成巿場最後一根稻草。
突然迅速減去1.5%息及大水漫灌，除了說明某些層面，譬如金融、信貨、流動性或衍生工具上可能出現了嚴重問題，都不用想太遠，這下子倒好，不用真金白銀去買進試倉已經睇明個勢未轉好。
可能比想象中的嚴重更嚴重，理論上貨幣政策已經用無可用，指標上黃金居然不升反跌，港股大跌、英德上深一樣大跌，大利好下都止唔住跌勢，反而仲要大跌回應，咁已經說明係熊巿，或者熊三都唔出奇。
上週有好消息急彈，壞消息急插，呈相隨態勢，通常熊二係咁樣，而今日好消息都大跌，除債外其餘全滅，好消息都BOOST唔起個巿，熊三都不為過，當然訓醒又可能大彈一二千都唔出奇，而家杪杪鐘都在變化，寫文有個唔好處係只能建基於目前有既資訊，無辦法為下一秒突如其來的變化而變化，只好現在在FB有最新觀點就即時貼出，所以未讚好和追踪我的FB請去讚好一下吧。
呢一刻我認為唔使買進任何野，不動為佳，手痕就拎錢去消費滿足一下自己購物欲更好，疫情何時會反轉到呢刻真係無人知，但願會有好消息出現吧。
