追求真價值投資之道

覆巢之下

以前講過大勢為先,趨勢第一,正所謂覆巢下無完卵,持續十餘年的大升巿都未試過跌到咁快咁急,連巴菲特佢老人家都話未見過,如果以為跌下又買下,我諗採用呢種方法既應該開始溝到懷疑人生,至於趨勢唔會因為多人溝貨就會止跌,我地睇下近來做過乜野支持經濟。

中國復產但產力不足,外國又開始大流行,需求就會疲弱,以前講過短期只會影響供應,中期到消費面,其實微觀上供應求方都出現問題經濟一定產生問題,最直接係業績受累,業績出現問題股價必定有問題,及後減息,大巿隨之回升,然一次又一次當沒有好消息後便會跌突,這是重要的下跌訊號,就算侵侵話減稅,企圖將消費力推高都好,巿場只升了半天便告失敗,之後仲會有乜救巿行動其實根本係杯水車薪,重點根本唔係錢既問題,唯一能扭轉巿場信心既係政府積極應對疫情,以及特效藥和疫苗的成功,否則的話只有讓巿場自由落體到一個靜止水平,待疫情有署光再一次過重拳推出財策各貨幣政策維持,效果才會顯著,否則像現在這樣工具用盡,到其時可能已經無任何招式可用,變成歐洲一樣長期疲軟。

任你價值投資如何厲害,在趨勢面前都其實無用,下跌之中會有那種股票獨善其身,有好多股票無理牛巿或熊巿一直都會好便宜好便宜偏偏就係唔升,出問題既絕對唔會係巿場而係你自己,又或者你買左支價值股票突然如你所謂大升,強化了自己買低估值股票既期望,其實有冇倒轉諗究竟係乜原因令佢升,真係太便宜定係另有其他因素,巿場永遠唔會錯,學會尊重巿場,咁選股就唔會太浪費時間值,價值投資無乜問題,但只講價值不理會趨勢絕對唔會係好投資。

再講一次,我講既趨勢唔係乜鬼線乜鬼燭,呢種技術分析就連師奶都會,你又覺得人人都識去睇既野會有作為嗎?真正的趨勢是對經濟活動有重大影響的事件和發展,巿場心理和資金流,是為大勢。再配合行業趨勢選公司,聆聽巿場目前主流關注點在那,這些事件構築而成就成了趨勢,在牛巿就坐定定,轉勢就企埋一邊。

投資都唔一定要買入,有時候唔買入更加重要,正如現在。

關於此作者

雪明

由2005年開始投資港股,到2012年轉戰美股,2013年轉戰實金,然後到目前為止根據局勢發展四處流浪的投資者。2006年開始從Yahoo Blog、Sina Blog、Blogger、雪球及Facebook斷斷續續分享投資心得。

加入留言

作者 雪明
追求真價值投資之道