追求真價值投資之道

空倉也是藝術

最近睇返2011年結束的BLOG,當年結束原因是有讀者不滿我看好某支股票同時又過不了多久結清倉位(沽出點如圖),認為我睇好但又咁快沽出非常茅盾,根本唔係投資只係師奶炒股,叫我返屋企學多幾年,其實當年沽出股票後個巿都係咁冧,既然無人欣賞就收埋自己食好了,反正佢又無課金我又唔係開班教書,寫少幾隻字仲可以省省心,唯有多謝佢,唔知佢今天係投資巿場是否依然安好。

其實我認為多數投資者犯了一個嚴重錯誤,就是認為無時無刻都要買點什麼什麼才叫投資,有些時刻其實買入現金回報更好,譬如這些逆風時刻,自從2008年後幾乎每次感覺逆風有機會到來我都採取清倉或低倉策略,我經常說股票和公司是兩回事,巿場估值也可以從幾倍到幾十倍去做估值,股票是股票,公司是公司,我看好好多公司可是我並不需要持有這麼多公司,甚至有時不應持有,例如現在我並沒有持有TESLA和APPLE,但無阻我認為兩家都是出色的公司。

我知道從長遠來說股票會跑羸一切,我也知道通漲係持續現金長期來說永遠會眨值,熊巿也不會維持長時間,但是作為散戶,我有必要重申一次我是一個散戶,君子不立危牆之下是非常重要,長期來說公司向上漲不代表我短期不能沽出,短期我看好現金我就渣現金,現金也是一個重要的投資標的,至少某些時候如此,否則唔通你話巴菲特持有千億現金又怎麼解釋呢,唔通真係太貴無野買,咁點解佢又用比較貴的價錢買進蘋果和亞馬遜呢,就唔係一般大眾諗到咁單純咁簡單。

我也知道好多人不習慣空倉,尤其要寫文章的作家和財演們,無進場憑乜講咁多論理指點江山,萬一好似大師咁係咁睇淡個巿係咁升咪變左燈神,太多呢種無謂既心理包袱結果令到自己唔客觀咁去睇巿場,明明感覺到危機將至偏偏比呢種心理束縛住唔敢做,其實錢是自己點操作都係自己既事,對我而言尤其如此。

有些人說我大進大出的做法似一個投機者或者賭徒,What so ever,心態,心法和做法我都已經講晒出來,大勢唔好買乜好公司好股,話之你幾有價值其實都係會中伏,巿場唔會理你個PE跌到幾多就會止跌回升,否則既話就唔會有出色既投資者,因為AI會比我地在數據執行上更有效率。

作為一個出色的散戶,或者師奶,任你點講都好,順風賺錢就坐定定,逆風就縮手企定定,做好呢兩點其實都可以超神。

關於此作者

雪明

由2005年開始投資港股,到2012年轉戰美股,2013年轉戰實金,然後到目前為止根據局勢發展四處流浪的投資者。2006年開始從Yahoo Blog、Sina Blog、Blogger、雪球及Facebook斷斷續續分享投資心得。

加入留言

作者 雪明
追求真價值投資之道