追求真價值投資之道

減息都要大跌

昨日先是G7開會話有政策不致令經濟觸底,然後美聯儲迅即減息半厘,但奇怪的是巿場只升了約幾秒,真係幾秒唔係講笑,然後來回波動最後下跌700多點,目前期貨又拉升500多點,極大波動的上落巿真係令人心累,但大利好消息都唔升,都係一個重大指標。

目前來說,唯一最清晰的路是黃金,昨天文章都有講,除非兩種情況,否則幾乎肯定黃金一定上升,然後G7和聯儲出來助攻,非常好,這是目前唯一最無阻力的路。

至於疫情還未有轉機,西歐繼續爆發,亞馬遜員工都有確診個案,其實去到呢一刻見個巿大升大跌,確實買又唔係唔買又唔係,技術上當然沒有轉升的現象,但知道好公司呢個價都唔係差,尤其講過既蘋果和微軟,最難做就是這種模糊狀況。

錢少必須投機,如果係我既話我情願等舖勁既先入場,錢多必須穩陣,我就會分段買進,尤其象蘋果和微軟等大把現金又會自行回購的公司,除此兩法都無乜更好想法了。

不過話分兩頭,減息的確又係一個推升的基石,但股巿必須向基本面屈從,前面說過,現在不缺錢只欠信心,所以如果止住疫情是當務之急,否則你減到零都無乜意思。

關於此作者

雪明

由2005年開始投資港股,到2012年轉戰美股,2013年轉戰實金,然後到目前為止根據局勢發展四處流浪的投資者。2006年開始從Yahoo Blog、Sina Blog、Blogger、雪球及Facebook斷斷續續分享投資心得。

加入留言

作者 雪明
追求真價值投資之道