本週一如前兩篇文章所講,鑑於現況大流行(雖然世衛話唔係)除了嚴重影響供應面外,消費面都開始受到打擊,無工開何來錢消費,前景不明大家都唔敢洗大左,呢幾種情況下,大家睇到其實個巿已經毫不留情地下跌,我說過,無論公司如何好如何有價值,在大勢下都不得不低頭伏地,所以我說趨勢為先,就是這個意思。
大家可能較關心入得貨未,其實執筆時中3-5年國債都升到好誇張,長期債券一樣反應,黃金和油價下跌,這代表什麼呢,債巿能有如此大升幅當然大家都睇淡經濟前境,這是我說我察覺得已經唔止係供應面咁簡單的一件事了,黃金下跌這主要說明巿場認為經濟下行和消費力下降的預期大於單純供應不足。
股票,未入得,一日唔解決疫症,供應和消費都成問題,更威脅某些企業的生存;
債券,我認為現在正當時,最乎合趨勢的產品,不過只要疫症能在一個月內解決,甚或當疫苗和特效藥有正面消息,都可以跌好多好多,所以如果淨現金了,又無謂去賭呢一趟風,除非四月份關於特效藥的消息係負面,咁ALL IN就OK,當然我唔想大家賺呢水錢,咁樣你賺到錢都無用,大家都受疫症威脅,有錢無錢其實分別唔大;
黃金,當債券的情況確立有一段時間,而疫症仍未止及經濟下滑,央行會開大印鈔機和降息,這時黃金將會比股票更得天獨厚,出現呢種情況先金後股,應該可以食晒兩個升浪;
所以簡單講,而家乜都唔做係最好,可以既注意自己健康,否則比你睇中趨勢都無補於事。