係呢一刻十倍和我都無持有任何股票,基於趨勢最終都沽出,昨天由於侵侵一個TWEET令指數急升,但唔夠半日就打回原形,大戶真係多謝晒,又有機會高位派貨,截至執筆時30年國債YIELD已經在1.78附近,期指下跌當中,跌勢未完,稍等稍等。
等待期間做什麼,留意轉勢訊號,譬如復工進度和醫藥的進度,君不見GILD和MRNA都升得不錯,因為兩間公司負責對疫症最有希望的疫苗和特效藥,就等待臨床數據出來,希望盡快終結這個疫症,我雖然好喜歡GILD,不過正是因為醫藥和生物科技博大精深而且門道甚多,作為投資者我能掌握的資訊和優勢非常少,因此不宜沾手,只可以作為一般大眾對該等公司表示崇高的敬意。
其實應該要想定一旦反轉訊號出現要買什麼和買多少,因為反彈是非常急速的,我會選擇直接追貨和一步到位的策略,而公司方面正如之前有買的都會考慮,包括TSLA,AAPL,MSFT,AMZN和無野選擇就QQQ、XLK和IGM等的ETF,選股並唔需要專登表現到好高技藝眼光獨到,捉中趨勢和選對公司就夠各位賺了。
也許有人會說點解我地講睇好美國睇好TSLA加上高位增持結果反而現在選擇低位清倉,不是與原說法和價值投資背道而馳嗎。這個你大概可以翻看歷史和近幾次史詩級金融風暴的價位線圖睇下,就以本次為例,巿場經歷兩個月的升幅可以在兩天之內歸零甚至蝕突,投資者似乎不應被好公司的因素束縛,尊重巿場和順從巿場比盲目信仰更好,至少我是這樣在巿場周旋了將近15年的心得和經驗之談。
師兄你好,無意間發現呢個blog,幾鍾意你寫既野,support。
我係新手,投資左港股大半年,呢幾個月亦都發奮拜讀經典。而今次應該會係第一個面臨既大跌市,覺得正好試驗一下所思所想。期待你更多分享,未來請多多指教!
其實係點發現到呢個BLOG~~等我地檢討下如何發佈更有效接觸到不同的人.
新手老手不應太在意賺蝕, 尤其新手應該感受下自己的心理壓力, 戰勝自己人性的缺點, 分辨大勢係向上向下, 買好股和空倉之間進退, 幾本上打敗大巿唔難, 加油呀
多謝鼓勵!我都係睇其他blogger個陣隔離有follow你既舊AC,跟住就見到呢個新AC喇!平時其他bloggers都有一行follow緊既blog,岩睇既我就會bookmark,哈哈。
多謝你!!
多謝雪明兄你分享至真!