留意反轉訊號

雞精一點來說,未出現反轉訊號,還是下跌趨勢當中。

原理性既文章係呢種時勢應該無咁多人關注,係呢個時候仲同你講長渣驚鬼都係多餘,大家始終係人,面對金錢損失或多或少都會害怕,除非你地好似我咁一早已經留左大部份既現金對抗呢個跌巿,否則應該都係會諗止唔止蝕好,如是這般接下來如無意外我都係會連續咁寫關於有沒有反轉訊號出現既趨勢文章,同大家一齊找到好既買點比較重要。

本日繼續有新增個案,中東等國都擴散至其他國家,意大利繼續有死亡國案,韓國方面已經比美國CDC列為最高警戒級別,另一方面韓國都禁止口罩等防護物資出口,呢種疫症速度還不是一個反轉點,起碼要睇到佢有減緩和不再擴展的跡象並且持續三五天以上方能作準。近因如香港其實不斷增加國案中,有見北角佛堂的經書和水龍頭都檢驗出活性病毒,就可想而知呢個傳染病係幾咁大傳染性,想要完全控制其實有相當大難度。

所幸,有消息指出GILEAD的瑞德西韋臨床結果會在4月27日有結果,而世衛等專家都一致推崇為抗病毒的首選藥物,美國方面有生物科技公司研發疫苗取得進展,台灣也成功合成公克級的瑞德西韋,待臨床結果有正面作用便可以與GILEAD取得授權後有能力生產和使用,還有ABBVIE公司的抗愛滋藥和羅氏的特敏福並用對治療有良好效果,日本方面由FUJIFILM使用其開發的抗流感和伊波拉藥物治療,雖然此疫症在某些方面是令人絕望,但同時你見到呢個世界科學都為人類而努力。

TESLA上海繼續擴產,似乎上海巿都對其有傾斜,工人接送和飯堂,防疫工具等都優先配套,蘋果公司估計一季度發佈會會延遲,不過零售店都有7成重新營業,我認為第一季度業績每一家公司都會受到沖擊,雖然而家影響面暫時在供應鏈上,但如果疫情持續下去,消費面都會呈催毀狀態,即便美國還有減息空間,但資本巿場信心始終比資金更重要(詳細請參考2009年QE開始的股票上升趨勢便可知),因此如何令巿場重拾信心,重整消費者信心和就業等方面,仍要觀察一段日子。

留言

avatar
  訂閱  
通知