新手入門第二課:財務自由

投資目的係為左賺錢,呢一點我唔反對,而且無論你用長渣或者短炒,正股或衍生工具,只要係你力所能及的事,自己承擔風險和決策對錯,就沒有問題,投資界別無分正道邪道,當然犯法既野就唔好做,傷天害理違背良心既都唔好做,因為咁樣賺到錢都無意義。

然而經歷一個疫情,身處港澳最感受感係有錢都一罩難求,其實係個一刻除左係買唔到罩有點惶恐之外,有冇諗過其實錢係呢種絕境有乜意義,或者如果你個一刻身處係武漢,縱然你腰纏萬貫又如何,根本一無是處,咁是否一個好好時候去反思一下錢的意義。

錢本身是用來交易用,這是建立在信用充足和物資不缺之時,但非常時期顯然物資比錢本身更重要,更甚者如果在某些高通脹國家,錢根本係唔應該儲存,所以錢本身又不具有任何意思,是以多數富有的人都會將錢壓縮到最少,或者相對低成本地借更多錢去購買資產、資源和物資,因為佢地知道錢以無限多,但地表物資是有限的,以無限去追逐有限,所以解釋到點解世界物價不斷上升,書本會教你,因為通脹所以天下萬物都貴了,但其實諗真少少,錢無限印物資有限,咁你就明白通脹根本唔係東西貴了,只是用來交換的單位多了咁解。

再落來我當你好富有都好,富有都有分真正富有還是圖具虛榮,如何分別呢,只要一些重大事件出現,咁就知道那位有錢人是真富還是暫富,深層次去考慮富有並唔係以福布斯富豪磅或者持有資產巿值多少去衡量,我引用塔木德既說法,真正的財富係智慧,因為即使你家財萬貫,都可以一夜比人奪去,唯有智慧,任何人都掠奪唔到。以此去解析,真正富有既人唔係而家有幾多錢,而係佢將來能否保有或取得更多財富,以及更重要係如何利用財富,這一點可以參考李嘉誠先生,取之於人,用之於人,錢本身不具意義,但用得其所意義就不一了。

你問下自己需要幾多錢才夠退休,巿面上眾說紛云,幾千萬至幾億也有人說,其實如之前所說,重點唔係要有幾多錢才能夠退休,比好多億你都可能有一日唔知發生一件乜事,一無所有,天知曉,反而如果你有智慧,懂得審時度勢,進取有據,可能你只係得好少錢都可以生活自如,重點唔係錢,係知慧。

識我的朋友和同事,我都會鼓勵佢地除左工作時間內,其他時間就多學習多了解工作以外的事物,否則你會被工作綑綁你的人生,因為如果無智慧,手停口停,反之如果你學識廣博,即使無左份工,也不至於生活潦倒,或者可能更加得心應手。

寫到呢到,我只係想你地明白,唔需要在意一時的賺錢和蝕錢,尤其新手,即便你輸錢,只要能令你明白自己錯在那裏,下次避免犯下同一錯誤,久而久之賺錢就變得理所當然,反而你永遠著重錢,錢只會令你的決定和行為變得更遭。無論投資又好,工作又好,人生又好,一日你只考慮有錢無錢賺錢蝕錢,你既境界只會係停左係一般散戶見識,至少我未見過有高手會討論錢呢個因素,反而談論見識,分享新知,和對不同事物的見解,當你有一天有自己的見識和看法,就唔會再受錢呢個因素約束。

真的財務自由,唔係你有好多錢,買左一堆收息股或者買樓收租,更唔係話一年收股息已經夠你食成世咁簡單,如前所說,如果這些一切都係建立在巿場共識上,而你又無自己的一套見識去分辨,就等於以前有人說買匯豐食息退休,結果係身家未見官先打三十,重點唔係有幾多錢,係你既知識,知識多了,你睇既野會同其他人唔同,自知識差異就有游刃空間,就有財富,那怕一天你一無所有重頭再來,你也可以好快重新建立,因為你既財富係腦中,而唔係一堆看似有用實質無用既錢。

請各位新手又好,老手又好,盡你可能學懂任何知識,最後應用李嘉誠先生的一句說話,知識就是力量,佢老人家唔係因為自己錢太多講風良話,呢個係事實,希望你地好好想一想呢個問題,人生在世短短數十,應該不為錢而生,更不為錢而死,錢本虛無。

訂閱
通知
guest
0 Comments
Inline Feedbacks
View all comments
0
請按此發表留言x
()
x