選股法則:最佳經理人

之前講左其中一種選股法則,反應相當好,今次唔講產品,講人,尤其對於初創企業及獨角獸,尤其重要。

人又有分進攻型或防守型,或兼而有之,進攻型經理人代表者有亞馬遜的BEZOS,蘋果的STEVE,TESLA的ELON及阿里巴巴的馬雲(唔好話我媚外,中國都不泛有創造性和前瞻性的企業家,只是…)。防守型的管理者有蘋果的TIM及微軟的SATYA。兼而有之的我認為BEZOS及ELON都能內外兼修,可攻亦可守。

當一家企業完全無產品或IDEA時,放一個防守型管理者注定公司停滯不前,但只要有好的產品和發展方向,往往優秀的防守型經理人都可以將手上的利刃磨得更利,例子是蘋果由STEVE造就了IPHONE,爾後由TIM將其微變化玩足近十年,將公司巿值推到世界第一,但沒有進攻又何來有防守的機會呢。

在選股時,如果說最佳產品重要,我認為優質經理人更加重要,往往是公司以後發展和更上一層樓的不二基石。例如ELON由一家不起眼的企業,憑藉其過人的眼光和執行力變成世界第一的車企,沽且係到稱為車企,但你明白佢根本唔係單純車企咁簡單。BEZOS由上網賣書變到所到之處個個將巿場貢手相讓的電商巨頭、物流巨頭和雲巨頭。這是進攻型企業家的典犯,而且其做法是由無到有,開創藍海,當然要相別進攻型經理人有一定難處,因為過去並不存在同類產品,好多時候你會認為佢係吹牛皮而爾,唔信你自己搵下特斯拉和亞馬遜歷史上巿場係點樣睇佢地就知,就算比你睇中左買左佢公司都好,你無返咁上下見識和膽色,都被巿場震走左。

相對簡單一點而回報亦唔差的是去甄別防守型經理人,譬如你知APPLE所出既產品根本唔憂賣,所以只要經理人唔係神經刀,幾本上你買進都係幾乎穩賺。又例如微軟,呢個有些少特別,但佢轉向雲加上自己在商業界別上有極大優勢,即使雲唔係由佢創造但係透過穩定和專注的經營都可以變來世界第一二巿值。對比起進攻型的經理者,由於防守型投資者是在別人的創新上透過營運方法去競爭,所以對於大部份投資者來說是比較容易上手。

但無論攻又好守又好,只要你選中的企業有好的經理人,幾本上長遠來說投資都無往不利,創投更加是,因為產品和數據都幾乎無參考作用,咁係買乜呢,正如孫正義當年相中阿里巴巴,其實孫先生都講過,佢只係睇中馬雲呢個人覺得佢會掂,就係咁簡單。

由此觀之,如果你在選產品上有過人眼光,不妨再加多一關在管理者上,好的產品和好的經理人,則投資事半功倍。

訂閱
通知
guest
0 Comments
Inline Feedbacks
View all comments