最近因為疫症停工停到個人痴痴呆呆，太過關心疫情和防疫工作，較少關注世界運轉，殺埋身當然解決燃眉之急，賺錢和工作跟本等閒事。
還是有人會問，究竟點樣投資股票，林林種種又指數成份股又價值股，如何去選擇，其實好似求職咁，你又點去求職，會唔會無定向乜行業乜公司都亂投，散彈槍當然可以提高成功機率，但係即使比你求到一職半職，呢份職業係咪你真心响往先，一間公司唔係你鐘意你會做得好痛苦，或者根本做唔長，投資亦如是。
有三問：1.行業是否有前景，2.是否好公司，3.公司的領導人是否傑出英明。其實同求職一樣，你想職業生涯好，人工其實並非主要因素，反而我認為以上三個問題重要，只有好行業才能有好公司，公司領導人好即便你目前進入薪金不高，但佢願意和同事共同成長，將來的薪水必定會高，重要點你萬裏挑一的公司你會更有心機去服務其中。
投資必須是好行業好公司好老闆，好行業必須具有未來性和可持續發展性，呢個係先天因素，亦係重點。公司係行業當中所處的位置，是領導者還是挑戰者，現有資源和格局能否將公司帶向更高的水平。領導者是微觀但不等於不重要，往往逆天關鍵在此，情形等同於你本身所處行業和公司不好，但好的領導可以立馬扭轉敗局一舉平天下。
可惜的是巿場多數人將價就貨，明明應該選好標的為先，偏偏最後因為價格選了次貨，唔代表資貨唔搵錢，但係長遠來說最好的貨表現永遠是超常規增長的，幾本上現在選股好少睇價格，只選最好的就是了。因為，你認為大巿回調時會因為你的所謂價值較高就會跌得相對少嗎，似乎唔會，咁點解唔要最好的呢。
美股我唔講，香港有少數好公司，譬如香港電視，維基巴打絕對是超級領導者，電商和公司也是潮流所在，唯香港始終籠罩著政治因素，因此我認為如非必要都唔會投資係到，唯一可能的是情意結，對呀，在維基初創HKTV時我很低價便買進，及後一男子因素之下被迫沽出獲利。這不減我仍然支持維基的想法。
