業績幾乎只剩下GOOGLE未出,其他主要股票都已經出左,三大股票全部對標,不過週五大家都見,再好業績都係要跌,這正是大勢不可逆的重點。
之前文章一直強調小心小心再小心,也提醒疫情會影響公司營運、生產力及消費力,一月份升勢主要來自炒業績,究竟業績出完之後個巿會唔會跟從返疫情風險而調整,我相信機率係極大的,因此如我的組合顯示,我只保留了LMT,其他都沽清了,幸而大巿修正,一月份小勝納指,標指和恒指就唔好提了,要羸就羸天下最強既主要指數好了。
留LMT的主要原因我記得其中一篇文講過,收入幾乎完全來自聯邦政府,制造業地都不太受影響,當然大巿調整,乜股都要死,可能債券係一個幾好既目標。
至於其他四隻主力股票,蘋果的生產力將因疫政受牽連,亞馬遜理論上是受惠,可是製造大國停頓,產品究竟如何有後繼就成疑,微軟和谷歌的影響應該最少,但大巿調整應無一幸免,所以我也沽出了。TSLA其中一個主要的增長引擎亦可能因而暫停,多重不利前提下,我認為應該縮手比較好。
現在留意巿場轉折點既出現,例如疫苗的研發及疫情的控制,否則我認為唔買比買進持有更好,究竟還要多長時間也不知曉。另外,美國也飽受流感肆虐,也是值得注意的事件。
現在無事可幹,就認真學習下公司價值,找出羸家並捕捉轉折點,大手買進以待天時。