追求真價值投資之道

投資數據套路

點為之一間好公司,之前講左無數次,不過總係有人鐘意問有冇數可以計,但其實計數真係唔會發達,既然仲係咁想知咁我沽且又講一講吧。

捐益表:集中留意營收增長,EBITDA睇下有冇進步空間,即係GROSS MARGIN,反而純利無乜參考價值,偏偏就最多人依賴呢個指標。營收增長代表公司既產品好受歡迎,或者巿場擴大左,我認為係成個P&L A/C既重點,至於GROSS MARGIN睇下會唔會有進步空間,有時候營上升加上MARGIN擴大做出來既效果好驚人。

資產負債表:我認為留意一下負債水平就足夠了,無乜必要計佢PB,反正你又唔係成間買入,PB或者現金係多少都好你都無能力控制,佢係派一早派左,唔派你吹佢唔漲,反而負債水平直接影響左往後既發展。

現金流量表:留意營運現金流(OCF),睇下同EBITDA或者營收既距離差幾遠,港股好多純利高但負OCF,相反美股好多時OCF都係可以PROVE到捐益表條數,正常之下營收好及EBITDA好既公司OCF都會同步上升。資本開支都要考慮,兩者相減就係自由現金流(FCF),我強調自由現金流但唔代表以上所有數據都可以忽略,因為只要我加大資本開支,FCF一樣可以係趨近零,如果單項指標就話佢無價值,我就覺得毫無道理了。

買進重點還是天時地利再人和,公司數據極其量用來印證管理是否有效,如果單單以指標用作買賣考慮,長遠都係成事不足敗事有餘。

關於此作者

雪明

由2005年開始投資港股,到2012年轉戰美股,2013年轉戰實金,然後到目前為止根據局勢發展四處流浪的投資者。2006年開始從Yahoo Blog、Sina Blog、Blogger、雪球及Facebook斷斷續續分享投資心得。

加入留言

作者 雪明
追求真價值投資之道