追求真價值投資之道

TSLA,MSFT,ILMN,AMD,FB簡評

MSFT一定中規中舉,唔係我之前都唔會大手買,只係估唔到成本控制得宜,令純利大升,其實後期主力會係INTELLIGENCE CLOUD,其餘兩項既增量都好難有更進一步,現價大約係PE 30倍,喂,唔係話PE廢架咩,咁呀FREE CASH FLOW倍數同PE一樣我就直接寫返PE囉,自由現金流主要透過回購同派息回報股東,來季展望Y/Y都係大約10%左右,我諗純利上升約20%上下,現價我覺得PRICE IN左,除非巿場比更高既估值佢,否則180元左右吧,之前我估佢本年都係173元左右為目標。

TSLA,好既就自己睇吧,尤其FCF做得唔錯,一個Q4有10億,如果季季都KEEP到正數,來年應該可以去到20億,現價大約係55倍左右,值唔值又見人見智,我都係睇4000元,要留意重點係佢講FULL SELF-DRIVING到,佢話行駛理數多左,識別路面情況同不同路況都勁左,假以時日會推呢樣野,唔記得我係GROUP定文章都講過,呢間公司其實唔太CARE賣車賺錢,所以睇佢產量同銷售數字意義只係短期,我睇佢賣車能支撐佢擴容就夠,重點係更多人使用佢咁佢TRAIN套AI就更勁,邊端運算既優勢。

ILMN,盤後跌,呢間公司我無講過,佢係基因測序既龍頭,當然我唔係呢方面專家,充其量只係略懂一二,如果有該方面專業係我讀者,希望你能指教一二,出來數據都不錯,但似乎增長力已經失去當日之勇,就算是2020年展望都係得低雙位數增長,我認為除左佢龍頭地位外,其餘數字都不足以支持佢股價,都係繼續觀望,或者我唔明佢中間有乜爆炸野吧。

AMD,業績其實幾好,雲用CPU都被AZURE同AWS採用,其實佢有點似INTEL同NVDA既混合體,專做設計,生產交比台積電,因為INTEL產能和效能遲遲都追唔上,而AMD不斷突破,PC同雲既銷售都擠出INTEL唔少,來年預估既增長都唔差,不過巿場預期佢要更加好,所以都難逃大跳一命,其實我又唔認為咁差,巿值才五六百億,大有前途的,參考同系既NVDA巿值,自己可以諗一諗個空間,會計數字就不值一提了,數唔係咁重要。

FB,雖然係重點公司,但係我其係咁鐘意朱西八格,經常爆私隱風波,所以懶得講。

喂,雪明你講到MSFT,AAPL,TSLA咁好點解無啦啦沽晒,我話過我擔心疫情影響消費力,但其實再深層一次係影響生產端,當然MSFT賣軟野就另當別論,但AAPL同TSLA生產機地係大陸,如果疫症持續,無生產力又點支持銷售,呢一點都得加入考慮,唔好太CARE升左好多最衰沽鬼左唔係賺好多呢類野,投資生涯中不知出現過幾多次呢D事件,其實最後我咪又係全家人都咁健康,唔好太執著,疫症影響消費同生產力既事唔會一兩日浮現,我始終都係抱持這一觀點,至於之後解決左,或者最好快點解決,最多咪繼續高位買進,我倒是希望佢盡快解決就好,儘管我賺少左做左傻仔都係咁話,人命關天。

最後,帶口罩,勤洗手,注意個人衛生,疫症好比股巿中既熊巿,任你選股再精明,捱得過低潮才有署光,加油!

關於此作者

雪明

由2005年開始投資港股,到2012年轉戰美股,2013年轉戰實金,然後到目前為止根據局勢發展四處流浪的投資者。2006年開始從Yahoo Blog、Sina Blog、Blogger、雪球及Facebook斷斷續續分享投資心得。

加入留言

作者 雪明
追求真價值投資之道