追求真價值投資之道

無腦買系列-LMT,AAPL,MSFT

洛馬公司及蘋果已經公佈左業績,如果唔係因為疫症根本唔會沽出MSFT同AAPL,LMT之前沽出因為想借前兩者高增長來達到賺更高回報的目的而沽出,呢三間公司幾本上可以無腦買進,沽且簡略述一下:

LMT:F-35,F-16及地獄火導彈生產商,剛公佈2019全年業績乎合預期,而且2020年預測每股收益介乎23.65-23.95元之間,幾本上呢間野用巿盈率法都可以,因為自由現金流轉化率近九成,比佢20倍數,大約係480元目標價左右,點解係可以無腦買,因為佢既合同八成以上來自美國軍方採購,本年增長因素有台灣F16維修基地,F-35增產及侵侵講會增加軍事預算建立太空軍隊,作為軍火龍頭幾本上盈利有絕對保障,另外自由現金流裏幾本近七成透過派息和回購回饋股東。

AAPL:Q1既業績不嬲都係最醒神,因為新機岩岩出一定係最勁既,服務收入有百二億,咁年度有機會去到五百億了,成為一個舉足輕重既部份,毛利六成左右,咁一年淨係服務收入已經有三百億毛利,另外賣設備仍然是主要入入來源,尤其大家期待佢今年會發行5G設備,係所有人都換機的情況下所以巿場不斷炒高佢,這份業績其實本身都係預料之內,目標按原來指標約350元左右,呢隻都可以係無腦買系統,幾本上用蘋果既人好少會轉返去AN機,而且本身用蘋果既人都會繼續用返佢原生服務,另外穿載設備手錶及AIRPOD都賣得非常火爆,TIM仔話將重心放係AR和醫療上,我認為這是非常好的方向,也是蘋果原本的優勢,你可能話而家雲咁吃乎,另外三大巨頭都有雲唯獨佢仲係無自己既雲,咁可能諗得太過片面,有冇聽過邊端運算,如果講雲我一定推AZURE,咁邊端我一定講AAPL,掌握數據源就掌握了未來,唔一定要雲先正,有時都唔好低估邊端的威力。

暫時持有LMT,如果情況許可,MSFT和AAPL必定會再次買進,至於是高或低,都係個句,我唔會CARE呢個問題。

關於此作者

雪明

由2005年開始投資港股,到2012年轉戰美股,2013年轉戰實金,然後到目前為止根據局勢發展四處流浪的投資者。2006年開始從Yahoo Blog、Sina Blog、Blogger、雪球及Facebook斷斷續續分享投資心得。

加入留言

作者 雪明
追求真價值投資之道