追求真價值投資之道

先讀優勢

搶購一空好似係中國人既地方並不迫生,以前盲搶鹽、板南根、白醋到而家口罩都係一樣,都只因為大眾無預期會發生而變得一切都好似突如其來,如果喻作投資其實差不多情況,係到先同各位講,口罩真係好重要,同埋唔好隨處觸摸,千祈唔好用手刷眼睛,勤洗手,有唔舒服就好去睇醫生,萬事小心。

之前文章講過,及早謀劃推演事情發生的不同結果而作好部署,比如本次疫情,還未公佈之際已去買口罩訂口罩,所幸而家無咁狼狽,人無遠慮必有近憂,現在才去恐慌購買似乎有點適得其反,防疫最好避免去人多擠迫既地方,但偏偏去輪口罩就人最多,幾咁諷刺。

洞悉力對人生和投資有莫大幫助,而所謂洞悉力並唔係乜野神秘力量,亦唔需要有超能力才可以做到,就對已出現或者將有可能出現的事情想一通,然後結合宏觀去推演一下,總會有幾種情況生成,再按不同的結果作出部署,綜合出來那一種方法可以兼容幾種不同情況的中庸之道作部署,再觀察事件的發生和推進是否與預期有偏差再修正。

一直以來都貫徹此一原則,其實我並不是有什麼過人之處,睇法亦唔會話特別獨到,只係勝在多做不同的推演而已,所以做組合一旦不如預期轉身都比別人快速和敏感,還好現在都一直保持良好戰績,只要遇有失守而已。

一些經驗淺的投資者,分析和預期做足,可短期走勢並不如預期般發展,就會方寸大亂,但其實巿場短期最不可測,你以為中長期趨勢應該大跌,可是短期偏偏可以升到你懷疑自己是不是弱智做錯決定,其實巿場短期根本可以和中長期完全相反,但就中長期趨勢而言,巿場必定會屈服,除非一開始你作長期判斷時已經有誤區。

正如減息期、中美貿易戰、中東戰及疫情等其實都會綜合地影響長期趨勢,然而有時一兩天或一兩週的走勢會令人產生錯覺,查實趨勢根本無變過,何不好好利用巿場短視行為去做對自己有利的事情。

做正確的決定,賺錢就自然而然,想輸錢都好難。

關於此作者

雪明

由2005年開始投資港股,到2012年轉戰美股,2013年轉戰實金,然後到目前為止根據局勢發展四處流浪的投資者。2006年開始從Yahoo Blog、Sina Blog、Blogger、雪球及Facebook斷斷續續分享投資心得。

加入留言

作者 雪明
追求真價值投資之道