追求真價值投資之道

公我羸,字你輸

以前聽呢句野覺得好好笑,世上那有這種遊戲而又有人參與呢,事實是人在江湖身不由己,好多時就係咁無奈,可笑又笑唔出。但原來投資世界都有咁既野,當然唔係講你比人屈機,係你屈機。

通常投資人決策分析時,都基於某一方向性而作出部署,如果看好買好倉,看淡買淡倉,好巿個時買龍頭,逆巿買防守股,但如果分析錯誤或巿場呈相反方向時,輸錢收場在所難免。

然而,如果在投資時多思考正反兩面,即管向一個方面的機率多大,但如果呈現逆風會有什麼結果,一種投資如果事件出現無論正反都受益,你說這麼理想呢。

如果說,就像伊朗局勢發展,一係打一係唔打,唔打個巿照係咁升,如果打可能就相反,有那一種股票可以順逆皆能,大家估到那一種股未呢,答案是軍工類股票。

打仗自然上升不必多解釋,但為何不打仗也會上升呢,局勢當前推演下去,各國的軍事支出必定上調,地緣不穩定性造就軍工股得天獨厚的條件,生意自然是有多無少,當然,股價是升是跌就要看巿場如何看待了,但中長期而言我認為軍工是組合必不可少的一種類股。

2019年軍工投資表現毫不輸科技股,就算計上一個十年比肩QQQ,其年回報率也相當接近,加上多數(除BA外)軍工的合同來自政府,其違約風險近乎零,如果說公用股是適合防守和養老之用,咁我肯定軍工股票有過之而無不及。

至於軍工有什麼選擇,除了ETF,個股不外乎五大軍工承包商,有心搵自己都可以搵到,順道了解一下各家長短。

關於此作者

雪明

由2005年開始投資港股,到2012年轉戰美股,2013年轉戰實金,然後到目前為止根據局勢發展四處流浪的投資者。2006年開始從Yahoo Blog、Sina Blog、Blogger、雪球及Facebook斷斷續續分享投資心得。

加入留言

作者 雪明
追求真價值投資之道