追求真價值投資之道

2020/11/11雪明日記:殺估值

上圖係我昨日的文章最後兩段,話無打算沽出結果你地有睇FB都知我最後都沽左ZM換馬,所以專登出文自打下嘴巴,然而究竟有乜區使我作出換馬決定,其實緣於觀察後得出巿場真係殺估值呢個結果,尊重巿場順著趨勢,有些看似疫情受惠卻實屬復甦特性的股票遭錯殺,TSLA便是其中之一,ZM同TSLA兩者皆段正好提供換貨良機。

昨天文章亦提及一旦有疫苗後可能增長率會不如本年四個季度般超常態增長,呢個時候巿場就預期增幅放緩導致估值急據下跌,因為增長股不同於價值股,在數學模型算術上後者傾向債券的計算方法,而前者巿場一般關注的是未來性(無形)及增長力(算術上的有形),因為有形的放慢,導致估值將會大不如前。

所以唔好話巿場錯殺無辜不理性,講真巿場有幾時理性過,巿場永遠不會錯,錯的永遠是投資者,如果你不順勢而為,任你幾高明都一定一敗塗地。

如前述當大家認定增幅放緩,而從前該部份股票食估值已經食得太盡,正所謂物極必反,導致兩日急速回落都係預期之內,比較好當然係你無參與其中或在高位沽貨,但出疫苗消息到觀察需時,所以肯去換馬已經算是不幸中之大幸,普跌的情況我倒覺得舒心,如果全世界唔跌淨係得你自己一隻下跌你就真係撞牆好了。

倒轉過來想,有乜野股其實係疫情或非疫情都好,業務增長和前景一樣亮麗,而且估值上又唔食得太盡,其實就有其可取之處,今日正好係雙11,咪當係股巿都做大特賣,搵下有乜殺錯良民既股票,買返少少鎮下宅。

關於此作者

雪明

由2005年開始投資港股,到2012年轉戰美股,2013年轉戰實金,然後到目前為止根據局勢發展四處流浪的投資者。2006年開始從Yahoo Blog、Sina Blog、Blogger、雪球及Facebook斷斷續續分享投資心得。

加入留言

作者 雪明
追求真價值投資之道