今日見到某某討論區有post – “有冇90後開始養生?” 其實有的，我就是了，學習中。
養生其實係大學問，但簡單來說養生講求的是生活習慣。通常講就易，做就難- 例如：叫香港人早抖，十個有八個話唔夠時間用；又例如叫女士們要適當地接觸太陽要Vit D，又幾多人見陽光就怕怕。癌症及各長期病患其實可以好痛苦(CRISP 同 ctDNA 都未咁快出世掛?!)，未發生係自己身上就要盡量避下，以前做ICU 同 老人科太有感觸，令我想之後老都要行得走得玩得。你再睇睇香港 average life expectancy，你自己又幾時退休，計計數其實真係至少15-20年人，要這段時期活得開心一定要有老伴老友老本同健康。
養生一般可以簡單分為: 飲食、生活作息及心境；當中心境是重之重，亦最難悟。近期又中腸胃炎，應該有腸易激綜合症(我估我細細個就有)。當中心理同腸胃的關係十分大，正正講出心境可以有幾大影響。其實又同益生箘有關係，所以之前MCRB爆上絕對理解，食屎變成咗有益，不再只係話人用。
飲食分享不太多，網上大把資料，不過小心閱讀，因為好多時以偏概全。我自己就盡量少大飲大食，食少D 刺激性的，酒就努力少D飲(都真係唔多)，雖然真係鐘意飲啤酒。做得好其實身體唔會差。有興趣睇中醫理論的，可以睇下點養脾養腎 (脾為後天之本；腎為先天之本)。
生活作息要定時！訓覺定時同飲食定時。當然某D行業是不可能的，所以我本人覺得佢係玩命，我就真係細細個就認為訓覺為上。所以番night shift 其實好勁！其實食同訓定時，身體D hormone 先容易regulate，因為in general speaking 身體並不太喜歡改變。Sleep hygiene 要注重，少D用digital device，訓前做D 簡單tasks (洗衫打掃)，盡量唔好諗複雜。
心境難，難在要覺悟。如何可以做到認真得來平常心難！又時越克意越難，唔做唔思考又過唔到自己。投資如是，待人如是，睇新聞如是。時不時睇philisophy 野 (近期同未來老婆談論 -君主論 – 幾好玩)，又有幸有個朋友係e方面專業，時不時分享同inspire我，但係如何收放自如就真係未做到。Mind controls body – 如果心境做得好，生活作息及飲食自然follows，可惜我係倒轉了。
總言之，我仍然學習中，但養生越早越好，健康無價。
P.S. 近期唔知寫乜好，無乜好玩topic。有想知的，可以留言，睇下我有無興趣寫 XD (無保證的)
知道你都做過物理治療相關嘅工作，最近見到唔少媒體都宣傳「啪骨」、「正骨」，其實係唔係真係有用，同埋唔會好危險咩? 感謝回答 !
「啪骨」即係 manipulation – 係關節about-end range快速施力去鬆end range。有用係有有用，不過時效短，有人只啪唔教你運動只係想你輪回。
「正骨」我就不懂了，係物理治療眼中只有 關節脫位 (dislocation) 同 關節半脫位 (subluxation)，這種複位有做過及學過，不過我都係rugby field 上工作先會用。
安全性其實係等於你有把刀都係你點用佢，佢係一種工具本身沒有安全不安全。但係唯一我做頸會好小心，唔一定會做；老人家就基本上唔做。
再說又於物理治療係醫學，你會發覺基本上醫生同物理治療都無做廣告。你見到某D自稱Dr. 實則其實係博士唔係醫生的要小心選擇，自己揀。醫學係科學(雖然香港十分落後)，唔係醫學唔代表唔得 – 只不過一係唔得一係唔知得唔得，個人經驗就一係好廢一係好神。睇你自己要D乜，你有錢想被人啪 vs 你無事唔好過來睇我(吹水可以), etc etc.
一方好有立場的意見，希望解答到你。