仲有唔夠約十日就係世紀大選，對投資者而論將會是嚴重影響趨勢和巿場的核心關鍵點，係呢段期間最好係就兩邊陣形一旦當選後選出最佳組合去迎接呢個新世代。
昨晚已將組合清倉，100%現金，提早係日記到講，唔使等到週結，而家反而去望返幾年無睇既中概股中資股，晃如隔世般有點陌生，不過要睇都唔係乜難事，明天直播再講一講拜登當選的組合精選，有興趣朋友可以明晚去我地Youtube Channel支持下。
其實投資最後要戰勝係自己的心理，有人選擇坐貨睇長線，我就喜歡短時間去順勢而為，盡量將時間壓縮去提高回報，當然呢件係極難的事情，希望能夠做到，簡單而言，整體大勢必須是向上的，向下的巿場千萬不要入巿，個股必須是優質的，而且正有催化劑令佢成為巿場焦點，而最關鍵一步，我認為是多數人未必能達成的重大條件，追高向上買進，到轉折點出現時全數沽出獲利，賣又比買更難，有時你會發現大多人知道焦點和熱門所在，可是出手時又介意自己低位不買去高追，又或者敢高追可是出手倉位又細，結果就算比你捉到都係蠅頭小利，所以心理和境界絕對是趨勢作戰的成功關鍵。
咁左咁多你會發現咁同師奶炒股又有乜分別呢，好似無但其實係有，師奶就係犯了上述不敢買進和賺盡不願沽的心理，又或者明明看錯偏偏死守不願認錯止蝕離場，高手同垃圾之間有時可能只是微妙分別，不過目前我都可能係神級既垃圾，但會努力一點去普通人睇齊。
