國泰港龍最終都栽員，由有風聲開始到實施都係兩日以內，有些人起初聽聞還說等落實先算，但我說即使未落實你應該當佢已落實去面對會更好，即係乜意思呢，就是說如果唔出現呢種極端情況，咁大家相安無事，頂多你都係落多左少少，但如果事情屬實，等於你已及早有應對方案，快人一步，這所謂做最好的準備，最壞的打算。
事情落實了，當然有不少人感到奮怒，也有人感到徬徨及前路茫茫，如果係呢個時候你唔係去諗下一步該做什麼，而是回望過去或者只懂怨狠，咁其實等於自己被困一個死谷，結果進退兩難死路一條，當然人心肉造，會嬲會悲傷好正常，但這是無補於事，反倒加重自己負面情緒，與其係咁倒不如面對現實，當眾人還在悲觀絕望之際你已經向下一步進發。
佛謁曰：一切有為法，如夢幻泡影，如露亦如電，應作如是觀。
即係話你往往係面前事情時覺得好困難，但過後你再望返其實都只是輕如微塵，不如你諗返以前曾經面對過的事情，當時會茫然，但過後其實你也許已經記不起了，其實現在被栽這個難關，早晚你也會跨過去，幹麼又走不出陰谷呢，對不對，世界萬事萬物，唯獨怕你不敢面對並克服之。
這篇文章，無論寫給國泰港龍的朋友也好，寫給各位投資人又好，其實天天也會面對困難，努力並面對之，你會感到自己前所未有的強大，正念戰勝一切，莫怨天莫怨命，勝利掌握自己手中，共勉之！
