年初疫情高峰還打算留前鬥後,年尾才攞年假結果係而家都未搞得掂,近十年來講今年真係連街都出得少過人,唔講以為自己變左廢老成日宅係屋企,廢到喊出來。
那邊廂國泰同港龍都話栽員,係呢個時勢其實都未搞得掂真係唔栽就有鬼,要人可以請返但太多人捱支出真係山都吃崩,估唔到自沙氏一役後又來一次,不過呢舖就成個世界都GG,可悲。
我地成日講儲蓄的重要性,排係投資之前,其實係經濟榮景可能未必個個感受到威力,但逆境一來自己有積蓄同無積蓄根本係兩種心態,有錢留低其實心態係比洗大左來得安定,安定心的目的其實係等自己有多點選擇權,財不入急門,無錢洗街掃地都要捱,你有錢就可以睇定少少都可以,呢種就叫財務自由,有得揀先係老世。
就因為一個錢字,坊間好多成千上萬元的投資課程或成功課程,我都好奇點解咁都會有人去報名,但實情又真係大把人送錢比人洗,咁又唔敢講真係無名師,不過投資堅有料通常都收埋食,或者無私分享,如果又話幫人但又收錢其實我覺得就不如名直言順係買賣算吧啦,咁點樣知教你既人有有料到,好簡單,開個倉來睇下就知道啦。