追求真價值投資之道

2020/10/16雪明日記

多數人以為高手買股票總能識於微時,長期持有到最高位放出,絕對絕對唔低位唔買高位去追入,咁你就真係錯晒,識得追貨減少時間誤差既先係大師傅,最近ARK都係高追NET、FSLY及ZM,你話佢係傻散咩,咁你就真係傻,咁點解便宜時唔去買高位先來追呢。

科技世界之中,沒有所謂高低之分,更詳細咁講,唔會好似受資產規模限制的公司那裏有一個天花板,譬如收租股咁計,一個場總有佢既上限,你至多能做到呢個極限,但科技世界並沒有,譬如你以為ADOBE賣PHOTOSHOP一隻碟就玩完了吧,後來轉做SAAS模式就變左越做越多生意,天花板幾乎無限大,這就是科技的力量。

咁點解佢要追NET同FSLY,應該同邊緣運算息息相關,至於ZM,你會唔會仲停留左係視像會議呢個階段,有留心其實佢有onZoom及平台化既舉措,呢到又係將個界限和天花板無限拓展的一種重要戰略,所以ARK以1600億巿值買進你以為好貴,咁你要好好思考一下模式轉變的威力。

買科技股,相當累人,優勢可能係人地一個創意出來後變得消失殆盡,你得無時無刻去觀察並留意最新發展,否則我都仲以為ZM都只係做視像會議並無其他,咁就可能錯失良機。

關於此作者

雪明

由2005年開始投資港股,到2012年轉戰美股,2013年轉戰實金,然後到目前為止根據局勢發展四處流浪的投資者。2006年開始從Yahoo Blog、Sina Blog、Blogger、雪球及Facebook斷斷續續分享投資心得。

加入留言

作者 雪明
追求真價值投資之道