追求真價值投資之道

2020/10/14雪明日記

過去十多年,你投資幾叻都好,點都要加返幾句巴菲特語錄,再話自己係價值投資派,唔使SHOW個倉出來,都肯定有一大堆讀者追隨你,今時今日再講巴菲特就有少少過時,而家興乜呢,梗係女股神貓姐同佢艘方舟啦,你可以唔識投資,但係你唔識女股神就真係唔得與時並進。

點解無啦啦咁講,搶眼球靠自己號召力唔足夠,係要拉返堆名人幫自己省一省招牌先至夠照,最近打開Youtube,講開投資既Youtuber都講ARK買左乜,自己追踪同埋跟進買入,咁樣就會大把人睇,又其實如果你係咁既人,我建議你都唔好浪費時間,直接睇晒ARK既文章,每日更新,Webiner,同埋Twitter,Twitter隨左貓姐仲有佢成隊人馬都各自有戶口,你全部Follow晒佢包無走雞。

學習者要分清楚個來源性,要學就學玄門正宗,唔好人地轉述就以為個個人好勁秋,包括我同十倍兩個,有時都需要消化一輪才能明白,更何況如果你只係睇左某君解譯而如果佢本身係曲解了,咁做對你一點好處都無,也要小心一些人倚其名來開班或出書,投資世界非常現實,理論再多都不及實戰戰績,開個倉就知高下。

關於此作者

雪明

由2005年開始投資港股,到2012年轉戰美股,2013年轉戰實金,然後到目前為止根據局勢發展四處流浪的投資者。2006年開始從Yahoo Blog、Sina Blog、Blogger、雪球及Facebook斷斷續續分享投資心得。

加入留言

作者 雪明
追求真價值投資之道