追求真價值投資之道

2020/10/12雪明日記

昨天同事請食飯,去左天巢,一個LUNCH COURSE都要千幾蚊,認真富貴,不過對比上次食就差少少,無他,疫情之下大廚同材料都欠缺,有時真係巿道艱難,開又唔係唔開又唔係。

有時看住自己教既人成長會係賞心樂事,好似比自己賺錢更開心,證明一套好方法用係唔同人身上都行之有效,當然曾經教過既人有人為了沽名釣譽,唯利是圖,完全忘記教導的初心也有,對此表示非常懊悔,根本一開始就唔應該教佢。也有些懂得感恩的人,幫助呢個世界改變得更好,對此我只會無限分享。

終於工作上既難關都解決到七七八八,壓力總算細少少,似乎人越大,尤其係自己習慣左將百萬左移右挪面不改容的時候,為了文件的細微末節而燥動真係接受唔到,所以都有講過會隨時唔做,留返多點時間做自己的事,那怕只是像老友記般每天跳下廣場舞笑看風雲也是悠然自得。

究竟自己要幾錢先夠退休呢,呢條問題我都問左好多次,有位朋友初頭佢話要千幾萬以上,然後經過教導和分享的幾年後,將資產要求由千萬降到二三百萬以內就可,當然也知道必須有過人的投資技巧和學習的心,你們呢,究竟又有乜計劃去贖回自己的人生呢,不妨分享一下。

關於此作者

雪明

由2005年開始投資港股,到2012年轉戰美股,2013年轉戰實金,然後到目前為止根據局勢發展四處流浪的投資者。2006年開始從Yahoo Blog、Sina Blog、Blogger、雪球及Facebook斷斷續續分享投資心得。

加入留言

作者 雪明
追求真價值投資之道