追求真價值投資之道

2020/10/09雪明日記

成功係乜,成功係一種習慣。

原本都唔想講咁多,但你試想下,唔係習慣唔通有條公式,絕對無,如果有人人都會成功,但基本上,當你立下一個目標,那怕是簡簡單單地去追求一位心上人咁計,你係會無時無刻想方設法去追到手,而這一系列的心思和行為就是成功的關鍵。

如果你想學投資,但又唔諗住早起床去看新閒觀天下,又唔去動手分析公司,整天只係打算週遊各大報刊網誌睇下名家拎貼士,咁樣絕對係唔會成功,即使你睇十年八載我敢講一定唔會有一套自我見解。相反,如果你保持住一套紀律去向你的目標進發,經年累月你的知識和經驗便會與日俱增,終有一日會成功。

健康又係乜,其實都係一種習慣,但係係一種生活習慣,作息定時,適度運動,不要久坐,不要吃垃圾食物,保持心境開朗避免壓力,都巿人經常處於亞健康和慢性病狀態,其實好多時同生活習慣不良有很大關係,當然我不是專業醫護人員,這是我生活實踐得來的經驗而已。

有好的健康,其實已經非常成功,再好好追逐自己的夢想,加油!

關於此作者

雪明

由2005年開始投資港股,到2012年轉戰美股,2013年轉戰實金,然後到目前為止根據局勢發展四處流浪的投資者。2006年開始從Yahoo Blog、Sina Blog、Blogger、雪球及Facebook斷斷續續分享投資心得。

加入留言

作者 雪明
追求真價值投資之道